Albistea entzun

HITZ ETZANAK

Inpostore

Andoni Egaña -

2021eko abenduak 1

Pauline Clance doktoreak jarri zion izena, 1978an. Bere lanerako laguntzaile izan zuen Suzanne Imes irakaslea. Orduz geroztik dago detektatua inpostorearen sindromea.

Gerta daiteke, norbaitek arrakasta izan, eta behin eta berriz esatea bere buruari arrakasta horren arrazoia zor diola zoriari, une-toki jakinetan egokitu izanari, edo ingurukoek eman dioten laguntzari. Inpostorearen sindromepean dagoenak uste izaten du ez duela zinez merezi harrapatu duen lekua eta maila. Ez dagokiola. Badirela inguruan bera baino gaitasun handiagokoak berak adinako zorterik eta laguntzarik izan ez dutenak. Michelle Obamak jasan omen zuen sindrome hau garai jakin batean; Ellie Goulding kantariak edo Kate Winslet aktoreak ere bai...

Pauline, Suzanne, Michelle, Ellie, Kate... Emakumeak guztiak, izendatzaile zein izendatu. Orain, Saioa Alkaizak, Nafarroako bertsolari txapeldunak, aipatu berri du inpostorearen sindromeak jota egin duela orain arteko bertso ibilbidea. Ez da kasualitatea. Akaso, geure baitako begirada ez da beti kanpoko begiradaren parekoa. Duela hiru aste, finalerdiak burutu gabe zeudela, Saioa nik baino gertuagotik ezagutzen duen bertsolari batek esan zidan: «Saioak baino gehiago egiteko, asko egin behar dik!». Asko ez, izugarri.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.