BIRA

Hortentsi

Miren Amuriza -

2018ko ekainak 29
Bart goizaldean, telebista piztu, eta non ikusten ditudan Boga-Bogako jantokitxoan Maria Luisa eta Margari, aulki banatan jarrita, eta erdian, zutik, Hortentsi (soineko zuriz jantzita). Handik laster, Joxe Mari, atondoan: Alfredo (senargaia) «beintizinko baino dotoreago» dagoela aldarean, eta ez itxaronarazteko. Hortentsi, orduan, deskapotable urdin batera igo, eta ziztuan elizara. Iristen da halakoren batean, heltzen dio Xaturri besotik, eta, aldarerantz doala, non pasatzen den Euxebio eta Joxe Mariren albotik: «Mila duro ezetz ezkondu», dio postariak. «Egingo ez duk, ba?!», Joxe Marik; «arrantzatzea hainbeste kosta ondoren, ez ziok arrainari alde egiten utziko!». Eta hala bazan edo ez bazan, eraztunak trukatu, Pello Zabalaren bedeinkapena jaso, eta «gora ezkonberriak!». Artean gonbidatuak arroz aleak jaurtitzen dihardutela, Margari eta Maria Luisarekin argazki bat ateratzeko prestatzen da Hortentsi: «Zera horrek kezkatzen nau», dio, ahapeka, «... zuek ibiliak zarete baina ni estreinatu gabea». Lasaitzeko, Maria Luisak, oihuka; jarraitzeko senari. Nago, gerora, alargun geratu zela Hortentsi, gure Hortentsi; askok izena aipatze hutsarekin identifikatuko, konpartituko genukeen erreferentzia. Gaur egun, Arralden barik, Montepinarren biziko litzateke (La que se avecina telesaileko urbanizazioan), eta prentsa espainola salduko luke bere kioskoan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna