Albistea entzun
Emakumeen aurkako indarkeriari ez
Emakumeen aurkako indarkeriari ez

HITZ ETZANAK

Zuriz

Andoni Egaña -

2022ko urriak 7

Inoiz edo behin etxetik egunkaria hartu, eta besapean dudala irten izan naiz kalera. Sartu okindegira ogi bila, eta neu konturatu, kobratzen ari denarentzat egunkari hura izan daitekeela okindegiko pilatik hartua, eta ez nik etxetik ekarria. Azalpena emateko prestatu izan dut neure burua. Baina ordaintzen hastean ez didate inoiz egunkariaz galdetu ere egin. Ezagutzen naute. Konfiantzazkoa naiz.

Ez zaie gauza bera gertatzen pertsona guztiei. Bilbon burutu berri dituzte «genero antitziganismoa» definitzeko jardunaldiak. Ijito eta emakume izateagatik jasaten duten zapalkuntza ilustratzeko, honela mintzatu zen Tamara Claveria: «Denda batera sartzen zarenean, zure kezka da nola zoazen jantzita, edo mototsa egin duzun ala ez, edo besoan jaka bat badaramazu, pentsatuko dutela zerbait lapurtu dezakezula». Nire egunkariaz akordatu naiz.

Eta detaile txiki bat: jardunaldiei buruzko argazkian hiru emakume ageri dira berripaper honen lehen orrian. Hirurak daude zuriz jantziak. Atentzioa ematen du. Garai batean, Erromako kargu publikoetarako hautagaiak, kandidatuak, arropa zuriz jantzi ohi ziren, euren kandidotasuna, inozentzia, adierazi asmoz. Emakume hauek kargu publikoetatik urrun dabiltza, baina inozentzia etengabe frogatu beharra daukate nonbait...

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.