BIRA

Lagunen lagunak

Miren Amuriza -

2018ko ekainak 28
Zure lagunen etsaiak zure etsaiak izan litezke; zure lagunen lagunak ere bai, noski (diferentzia bakarra da, lehenengoekin ez bezala, bigarrenekin atsegin agertu beharra eduki zenezakeela). Eta, usterik gutxienean, zera, oliba platertxoa konpartitzen ari zaren ezagun horietako bati hezurra bekokira botatzeko tentazioa sar dakizuke: «zutabegileak-eta» gorroto dituela esaten dizunean, adibidez. Nik ez nekien iritzi-emaileon hater-ak existitzen zirenik, gurean quidditch-ean jokatzen duen jendea dagoela ez nekien moduan (Harry Potterren nobeletako protagonistek erratz hegalariekin praktikatzen zuten kirola). Ordea, enteratu nintzenean, grazia egin zidaten eta obsesionatzear egon nintzen: YouTuben Quidditch Ligako partidak ikusten eta tabernetako, liburutegietako egunkarietan zutabegileoi biboteak margotzen nor harrapatuko. Utz niezaiekeen bake-bakean (norberari ardura ez dion jendeak norberaz duen iritzia hutsala delako eta abar...), baina erakargarriagoa zitzaidan oliba platertxoaren bueltakoaz idaztea: nire lagunaren lagunak irakurriko ez zuela pentsatzeak (hainbeste gorroto bagaitu, nola?) lasaitasuna ematen zidalako eta, era berean, irakur zezakeela imajinatzeak (hainbeste gorroto gaituenez, nola ez?) plazera. Zeren, nago gure hater-txoak ere (beste esparru batzuetan gertatzen den lez), barren-barrenean, zutabegilea izan gura ez ote duen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna