Auzitegi Gorenak kolokan jarri ditu Jaurlaritzaren hezkuntza bekak

Epaileek diote Gasteizek ez duela eskumenik Batxilergoko eta Lanbide Heziketako beken gain

Jon Rejado -

2019ko ekainak 29

Eusko Jaurlaritzak unibertsitatez kanpoko ikasketetarako ematen dituen beka batzuk ezbaian daude. Espainiako Auzitegi Gorenak baliorik gabe utzi ditu ikasleentzako laguntzak zehazteko Hezkuntza sailburuak emandako aginduaren hainbat atal. Baliogabetutako atal horiek ez datoz bat Espainiako araudiarekin, eta, ondorioz, ez dute «ikasleen arteko berdintasuna» bermatzen, auzitegiaren arabera. Jaurlaritza epaia aztertzen ari da, eta datorren astean emango ditu argibideak.

Eusko Jaurlaritzak hiru hamarkadaz kudeatu ditu ikasleen laguntzak, hezkuntzako eskumenak jaso zituenetik. Espainiako Gobernuak 2013an irizpideak ezarri zituen, LOMCE Hezkuntzaren Kalitatea Hobetzeko Espainiako Lege Organikoa onartzeko prozesuan. Irizpide horiek Batxilergoari, Lanbide Heziketari eta unibertsitatekoak ez diren goi mailako ikasketei eragin zieten; Haur Hezkuntza, Lehen Hezkuntza eta DBHrako laguntzak ez zituzten jaso araudi horretan.

Gorenaren ustez, Hezkuntza Ministerioaren araudia «oinarrizkoa» da, eta, beraz, Eusko Jaurlaritzak horretara mugatu beharko du. Jaurlaritzaren eskumenetatik kanpo geratzen da ikasleentzako laguntzak banatzeko araudia onartzea, Gorenaren ebazpenaren arabera. «Jaurlaritzak laguntzak bere baliabideekin ordaintzeak ez du esan nahi eskumenen esparruaren aurkakoa denik». Gorenaren ustez, ikasleei diru laguntzak emateko irizpide bateratuak «aukera berdintasuna» bermatzea du helburu. Beraz, Araba, Bizkai eta Gipuzkoan beste irizpide bat ezartzeak «aukera berdintasuna» urratzen du, eta, ondorioz, ez da onargarria.

Espainiako araudiak laguntza finko bat ezarri zuen; datorren ikasturtean 1.600 eurokoa izango da. Horrez gain, laguntza handitu daiteke aldagai batzuen arabera. Araban, Bizkaian eta Gipuzkoan beste modu batean egituratu dituzte laguntzak. Horrez gain, Espainiako Gobernuaren eta Jaurlaritzaren diru laguntzak errentarekin lotuta daude. Bada, batak eta besteak finkatutako errenta atalaseak ezberdinak dira: alegia, zenbait laguntza jasotzeko ezarritako gehienezko diru sarrerak ez datoz bat. Jaurlaritzak finkatutakoak handiagoak dira. Horrek herritar gehiagori emango lieke aukera bekak jasotzeko, baina aintzat hartu behar da Arabako, Bizkaiko eta Gipuzkoako batez besteko errenta Espainiakoa baino handiagoa dela.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Vladimir Putin, Errusiako presidentea, artxiboko irudi batean. ©ALEXEI DRUZHININ / KREMLIN POOL / EFE

Errusiak COVID-19aren aurkako lehen txertoa erregistratu du

Munia El Marhoum Iruretagoiena

Vladimir Putin Errusiako presidenteak adierazi du «immunitate egonkorra» lortzea ahalbidetzen duela, baina Osasunaren Mundu Erakundeak arretaz hartu du albistea. Munduko kutsatu kopuruak hogei milioiren langa gainditu du gaur.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Oldarraldi bat atzeman dute Murillo el Fruto eta Zarrakaztelu inguruan

Berria

30 positibo detektatu dituzte; gehienak laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna