Albistea entzun

Statkraften proiektuak «zinez beharrezkoak» direla esan du Tapiak

Enpresak proiektua ondo aurkeztea nahi du sailburuak. Ekologistek eskatu dute Lurralde Plan Sektoriala «lehenbailehen» egiteko
Oiz mendiko parke eolikoa, artxiboko irudi batean.
Oiz mendiko parke eolikoa, artxiboko irudi batean. JON HERNAEZ / FOKU Tamaina handiagoan ikusi

Iñaut Matauko Rada -

2022ko urriak 4

Arantxa Tapia Garapen Ekonomiko, Jasangarritasun eta Ingurumen sailburuak atzo Egun On Euskadi programan adierazi zuen Debagoienean eta Urola Erdian Statkraft Norvegiako energia enpresak egin nahi dituen parke eolikoen proiektuak aurrera ateratzea espero duela. Proiektuak «zinez beharrezkoak» direla uste du: «Proiektuaren helburua energia hemen sortzea da, eta inguruko enpresei, herritarrei eta administrazioei egingo die mesede». Arabako Ekian parke fotovoltaikoa jarri zuen adibide gisa, eta gehitu zuen eredu horri eutsi behar zaiola.

Hala ere, enpresak proiektua ondo aurkeztea nahi du sailburuak; izan ere, enpresak asmoa aurkeztu zuenetik, aurkako iritziak zabaldu dira parkeak eraikiko diren herrietan, baina Tapiak esan zuen hori ohikoa dela: «Ezezaguna den zerbaiten aurrean beti sortzen da ezinegona edo aurkakotasun jarrera».

Enpresak datorren asteartean, urriaren 11n, aurkeztuko du proiektua, Azpeitiko Udalak egingo duen batzar herrikoi eta ireki batean. Statkrafteko ordezkariak eta udaleko kideak izango dira bertan, eta inguruko enpresak, elkarteak eta herritarrak daude gonbidatuta batzarrean parte hartzera. Azpeitiko (Gipuzkoa) Soreasu antzokian izango da batzarra, 19:00etan.

Ez da, baina, parke eolikoaren inguruan egingo den batzar bakarra. Proiektuaren nondik norakoak publiko egin zirenetik, aurka dauden herritarrak erantzuna antolatzen hasi ziren, eta irailaren 21ean egin zuten parke eolikoaren aurkako lehen herri batzarra. Bihar, asteazkena, egingo dute hurrengo batzarra, Baigera elkarteko lehen solairuan, 20:30ean; Sañu Bizirik taldeak antolatu du.

LPS baten premia

Ekologistak Martxan taldeak Eusko Jaurlaritzako alderdiei eskatu die Energia Berriztagarrien Lurralde Plan Sektoriala (LPS) «lehenbailehen» martxan jartzeko, eta martxan jarri bitartean parke eoliko eta fotovoltaikoak egiteko proiekturik ez onartzeko. Hori da, hain zuzen ere, joan den astearteko Eusko Legebiltzarreko osoko bilkuran EH Bilduk eta Elkarrekin Podemos-IUk EAJri eta PSE-EEri eskatu zietena.

Bilkura horretan, bi koalizioek Eusko Jaurlaritzari eskatu zioten 5 megawattetik gorako proiektu eoliko eta fotovoltaikoak gune berezi batzuetan egitea debekatzeko: naturagune babestuetan, nekazaritza balio handiko lurretan eta proiektuek hegazti nekrofagoen iraupena arriskuan jartzen duten lekuetan.

Eskakizun horri erantzunez, EAJk esan zuen Araba, Bizkai eta Gipuzkoa kanpoko energiarekiko menpekotasun handia duten herrialdeak direla, eta horri aurre egiteko «autosufizientzia energetikoa» beharrezkoa dela. Hori dela eta, Statkraftek egin nahi dituenen gisako proiektuak defendatu zituzten jeltzaleek.

Argudio horiek entzunda, Ekologistak Martxan taldeak Jaurlaritzako alderdiei galdetu die ea gune babestu kontzeptutik «zer hitz» ez duten ulertzen, eta legebiltzarreko bilkuran egindako adierazpenak atzera botatzeko eskatu diete.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Rebeka Ubera eta Maddalen Iriarte, Eusko Legebiltzarrean, artxiboko irudian ©Raul Bogajo/ Foku

EH Bilduk eta Elkarrekin Podemos-IUk ere azalpenak eskatu dizkiote Sagarduiri

Edurne Begiristain

Rebeka Uberak salatu du Osakidetzaren egoera «gobernantza eredu bertikal» baten ondorio dela. Miren Gorrotxagiren iritziz, «onartezina» da Osakidetzak profesionalak kargugabetzea haiek kudeaketa ereduaren gabeziak agerian uzteagatik. PP+C’s-k Sagardui kargutik kentzeko eskatu dio Iñigo Urkulluri.

Agustin Agirre. / ©Goiena Komunikazio Taldea

Agustin Agirre izendatuko dute Donostialdeko ESIko jarduneko zuzendari

Jon O. Urain

Osakidetzako zuzendaritzak ostiralean kendu zuen kargutik Itziar Perez. Loreto Marquet erizaintzako zuzendariordeak ere dimisioa eman du.

Emakumeen presentzia handiagoa da osasun gaiekin lotutako informazioetan ©Marisol Ramirez / FOKU

Osasunari buruzko piezetan BERRIAk berdintasunaren alde egiten duela dio ikerketa batek

Isabel Jaurena

Eneko Fernandez Artigasek eta Itxaso Fernandez Astobizak egindako ikerketa batek neurtu du emakumeek zein presentzia duten Arabako, Bizkaiko eta Gipuzkoako egunkari nagusietan argitaratutako osasunaren inguruko artikuluetan.

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz - Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu dizkiote.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...