Albistea entzun

Toki gehiagotara

EAEko Ahal Dugu, Ezker Anitza-IU eta Equo Berdeak udal eta foru hauteskundeetan ere Elkarrekin Podemosen izenpean aurkeztuko dira
EAEko Elkarrekin Podemoseko taldeetako arduradunak, atzo, Bilbon.
EAEko Elkarrekin Podemoseko taldeetako arduradunak, atzo, Bilbon. BERRIA Tamaina handiagoan ikusi

Enekoitz Esnaola -

2019ko martxoak 16

Duela lau urte, indar politiko sortu berria zen Ahal Dugu, eta orduko udal hauteskundeetan ez zen bere kabuz aurkeztu, tokian-tokian sustatutako plataformen bidez baizik. Forukoetara, aldiz, bere izenpean joan zen. 2016an eratu zuen Elkarrekin Podemos koalizioa, Espainiako Gorteetarako hauteskundeetarako, IUrekin eta Equorekin —Nafarroan Batzarrarekin ere bai— , eta EAEn aurtengo maiatzaren 26ko udal eta foru bozetara ere marka horrekin aurkeztuko dira. Atzo sinatu zuten akordioa Ahal Dugu-k, Ezker Anitza-IUk eta Equo Berdeek, Bilbon. «Euskal biztanleriaren aniztasuna beste inork baino hobeto islatzen du», adierazi du Lander Martinez EAEko Ahal Dugu-ko idazkari nagusiak.

2015eko maiatzeko Arabako, Bizkaiko eta Gipuzkoako foru bozetako baturak kontuan hartuta, Ahal Dugu-k eta Irabazik —Ezker Anitza-IU, Equo eta Alternativa Republicana— %16,6ko babesa eskuratu zuten; hirugarren indarra, EAJren eta EH Bilduren atzetik. Urte bereko Eusko Legebiltzarrerako hauteskundeetan, %14,8 lortu zuen koalizio berriak —hirugarren indarra—. «Euskadi jada ezin da ulertu Elkarrekin Podemos ez badago», azaldu du Martinezek. Harentzat, ezkerreko politika egiteko indar «bereizia eta ezinbestekoa» da.

Isabel Salud Ezker Anitza-IUko koordinatzaile nagusiak «justizia soziala, eta herrien arteko anaitasun eta elkartasun balioak» nabarmendu ditu. Equo Berdeen Koordinazio Mahaiko kide Stella Garciak ingurumenarekin lotutako politikak aldarrikatu ditu.

Udal bozetan hiru probintzietako 50en bat udalerritan aurkeztea espero dute, handienetan.

EH Bilduren proposamenak

EH Bilduren Mahai Politikoak Espainiako Kongresurako eta Senaturako hauteskundeetako hautagaien proposamena egin du bilkideen artean, eta horiek gaur gauerdira arteko epea izango dute botoa emateko. Kongresurako Arabako zerrendaburua Iñaki Ruiz de Pinedo izatea proposatu du zuzendaritzak, Bizkaikoa Oskar Matute egungo diputatua, Gipuzkoakoa Mertxe Aizpurua, eta Nafarroakoa Bel Pozueta. Zerrenda osoaren proposamenaren berri eman du, halaber. Senaturako bozetarako buru izateko planteamendua: Arabakoa, Oihana San Vicente; Bizkaikoa, Arantza Gutierrez; eta Gipuzkoakoa, Gorka Elejabarrieta; Nafarroan, EH Bildu koalizioan aurkeztuko da Geroa Bai, Ahal Dugu eta Ezkerrarekin.

PPtik, Javier Maroto Gasteizko alkate ohia izango da Arabako zerrendaburua Kongresurako bozetan. Espainiako PPko idazkariorde nagusia da gaur egun.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Antonio Caño 2018an, 'El Pais' egunkarik zuzendari zenean. Don Mitxelen albiste faltsua sinistu duenetako bat da. ©Fernando Villar / EFE

Arralderi buruzko txio batek agerian utzi du albiste faltsuen ahalmena

Paulo Ostolaza

Fikziozko herri horretako udalak Miguel Angel Blancoren hiltzailea seme kutun izendatu duela idatzi du Twitterreko Don Mitxel erabiltzaileak. Besteak beste, Daniel Lacalle ekonomialariak eta Antonio Caño El País-eko zuzendari ohiak sinistu eta zabaldu dute mezua.

Iruñeko zezen plaza, uztailaren 14ko arratsean. ©Iñigo Uriz, FOKU

Aske utzi dituzte Mutilzarra peñaren salaketaren harira Iruñean atxilotuak

Uxue Rey Gorraiz

Poliziak bost lagun atxilotu zituen atzo, uztailaren 14an Iruñeko zezen plazan izandako istiluekin lotuta. Aske dira, baina epaileak deklaratzera deituko ditu. Gorroto delitua egozten diete. Mutilzarraren arabera, hainbat pertsonak eraso egin zieten peñako zenbait kideri.

 ©IDOIA ZABALETA / FOKU

«Torturak erabat baldintzatu du ihes egiteko erabakia»

Maddi Ane Txoperena Iribarren

1960tik gaur egun arte arrazoi politikoengatik ihesean bizi izan diren euskal herritarren historiak bildu dituzte Doraik eta Pratek 'Bestaldean' liburuan. Nabarmendu dute askotarikoak direla bildutako bizipenak.
Foro Sozialaren agerraldi bat, uztailean. ©Monika del Valle / Foku

Foro Sozialak «etsigarritzat» jo du Sekretu Ofizialen Legea aldatzeko proposamena

Iosu Alberdi

Kritikatu du aurreproiektuak biktimen «birbiktimizazioan» sakontzen duela. Moncloari eskatu dio inbestidurako blokearekin akordioak lortzeko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...