Albistea entzun

Eureka zientzia museoa itxiko du Kutxa fundazioak

2023ra arte jardungo du; itxi egingo du Ekogunea ere. Hango jarduerak Tabakalerara eramango ditu, «berrituta eta birformulatuta»
Haur bat zientzia museoan, artxiboko irudi batean.
Haur bat zientzia museoan, artxiboko irudi batean. GORKA RUBIO / FOKU Tamaina handiagoan ikusi

Uxue Rey Gorraiz -

2021eko urriak 30

Kutxa fundazioaren Eureka zientzia museoak hogei urte bete zituen joan den urtarrilean. Aurreikuspenen arabera, ailegatuko da datorren urteurrena ospatzera, baina hori izan liteke haren jarduneko azkena. Fundazioak iragarri du Donostiako Eureka zientzia museoa itxi eginen dutela. Zehaztu dute ixteko data, gainera: zentroak 2023an hetsiko ditu ateak. Emandako informazioaren arabera, ordea, museoan abiatutako proiektuak ez dira hutsean geldituko: Eurekan sortutako dibulgazio eta hezkuntza jarduerak «berritzea eta birformulatzea» da helburua, ondotik Tabakaleran leku hartzeko. 2001. urtean ireki zuten Eureka museoa, Donostiako Miramon auzoan eta erreferentzia ezinbestekoa izan da urteotan zientziaren dibulgaziorako egitasmoetan.

Esan dutenez, orain gune berri bat sortuko dute Tabakaleran. Emandako datuen arabera, «diziplinarteko ezagutzarako gune bat» izatea nahi dute, eta helburua da kulturarekin, zientziarekin eta hezkuntzarekin loturiko eskaintza bat handik abiatuta egitea herritarrentzat. Kutxa fundazioaren esanetan, gunea Tabakaleran egoteak nabarmen lagunduko du «Gipuzkoako gizartearen premiekin hobeto konektatzen».

Hain zuzen, bide berri bati lotu zaio Kutxa fundazioa. «Kudeaketa eredua birdefinitu» egin nahi dutela adierazi dute fundazioko arduradunek prentsa ohar batean. Iritzi diote premiazkoa dela hainbat aldaketa egitea; 2030 Plan Estrategikoan jaso dituzte, hain zuzen ere, horretarako helburuak eta erronkak. Gipuzkoan «erreferente» izaten jarraitu nahi dutela esan dute, baina «izateko beste era batekin». Fundazioaren «iraunkortasunari» ere erreparatu diote eman dituzten argibideetan. Eman dituzten datuen arabera, hogei milioi euroko aurrekontua dute «Gipuzkoako gizarte osoari zuzendutako egitasmo eta proiektuetarako».

Itzaltze gehiago

Eureka zientzia museoa ez da izanen ateak itxiko dituen bakarra. Kutxa fundazioak iragarri du Etxarriko (Nafarroa) Arotz Enea udalekuetako etxearen jarduna ere bertan behera geldituko dela. Zehaztu dutenez, itxia egon da COVID-19aren izurritea zabaldu zenetik, eta, azkenik, behin betiko ixtea erabaki du fundazioak. , Hernanin, Ekogunea ere itxi egingo dute. Hala ere, ingurumenarekin lotutako «hezkuntza proiektuekin» jarraituko duela esan dute, eta eragile batzuekin kontaktuan direla Ekogunea dagoen tokian «proiektu» bat egiteko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Autobideetako hondakinak mendialde batean isuri dituzte urtetan

AP-8ko zaborrak urteetan bota dituzte Usurbilgo mendialde batean, baimenik gabe

Iñaki Petxarroman Jone Arruabarrena

Kontratuaren baldintzak ez betetzea, lan baldintzei eta naturari kalte egitea, eta azpikontratetan ezkutatzea egotzi die ELAk Bidelan osatzen duten Transitia eta Campezori
Gorraiz merkatalgunea suak hartuta ©Twitter

Sute batek Gorraiz merkataritza gunea kiskali du

Berria

Sutea nola piztu den ez dagoenez argi, ikerketa bat jarri dute martxan.

Bilbon eguerdian egindako manifestazioa jendetsua izan da. ©MARISOL RAMIREZ / FOKU

Sindikatuen arabera, hezkuntzako greban %60ko parte hartzea izan da

Irati Urdalleta Lete Gotzon Hermosilla

Jaurlaritzak, berriz, esan du irakasleen %35,2k egin dutela greba. Langileek hezkuntza legearen aurreproiektuaren kontra egin dute, eta «hezkuntza publiko, propio eta euskalduna» aldarrikatu

Atzoko sari banaketaren argazki bat, Andoainen. ©JAGOBA MANTEROLA / FOKU

Miel A. Elustondori eman diote Rikardo Arregi kazetaritza saria

Julen Otaegi Leonet - Jone Arruabarrena

BERRIAn argitaratutako 'Tonban ehortzirik' elkarrizketa sortagatik jaso du saria. Komunikazio saria 'enpresabidea.eus' webguneak irabazi du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...