Albistea entzun

Nafarroako autogobernua «agortuta», eztabaidari ekin nahi dio LABek

Garbiñe Aranbururen arabera, «muga bakarra» herritarren erabaki ahalmenak izan beharko luke. Gaurko mobilizazioarekin bat egin du
IDOIA ZABALETA / @FOKU Tamaina handiagoan ikusi

Joxerra Senar -

2022ko maiatzak 14 - Iruñea

Foru Hobekuntzak aurten 40 urte bete ditu, eta, LABen irudiko, «agortuta» dago egungo autogobernua, «patronalaren eta eliteen neurrira egina baita eta aitortutako eskumenek mugak baitituzte». Urteurrenaren harira, sindikatu abertzaleak adierazpen bat kaleratu zuen atzo, eta etorkizunera begira eztabaida «zabal eta mugarik gabekoa» hastea proposatu zuen. Garbiñe Aranburu idazkari nagusiaren aburuz,herritarren erabakitzeko eskumenak izan beharko luke «muga bakarra».

Gaur, hain zuzen, Nafarroa XXI herri ekimenak eztabaida baten beharra aldarrikatuko du Sarasate pasealekuan, 17:30ean egingo duen mobilizazioan. Atzo, toki berean, foruen monumentu aurrean, LABek deialdiarekin bat egin zuen. Bertan, Imanol Karrera Nafarroako koordinatzaileak gogora ekarri zuen Foru Hobekuntza osatu zeneko prozesua «gutxi batzuen artean» egin zutela eta herritarrei galdeketarik egin gabe burutu zela. «Egiazki, Nafarroak ez zuen ezer erabaki. Nahi bezala aurkeztu ahal digute, baina esan behar da Espainiako Konstituzioaren menpeko autonomia estatutu bat dela», esan zuen Karrerak. Eta gaineratu: «Eliteek bere eredu ekonomiko, politiko eta soziala erabakitzeko eztabaida eta ahalmena lapurtu zizkioten Nafarroako gizarteari».

Iraganera begira jarri bainoago, egungo egoerari eta etorkizunari erreparatu nahi izan zion Garbiñe Aranburuk. LABeko idazkari nagusiaren arabera, egungo autogobernua «ez da nahikoa, benetan burujabetza osorik ez badago». Sindikatuaren ustez, 40 urteotan Foru Hobekuntzak «muga handiak» dituela erakutsi du. Batik bat, lan eta gizarte gaietan eskumenik ez izateak «galarazi» egin du «esparru sozioekonomiko propioa edo lan harremanen esparru propioa eraikitzea».

LABen ustez, gai horiek zentralak dira herritarren bizi baldintzei duintasuna emateko. Horregatik uste du abagunea iritsi dela «Nafarroak burujabetza berreskura dezan». Aranbururen arabera, sindikatu subiranista batek ezin du beste aldera begiratu, eta LABek «ekarpen propioa» egingo du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

AEBek «atzerriko talde terroristen» zerrendatik ezabatuko dute ETA

AEBek «atzerriko talde terroristen» zerrendatik ezabatuko dute ETA

Uxue Rey Gorraiz

Etxe Zuriak guztira bost talde aterako ditu aurki zerrendatik, Japoniako Aum Shinrikyo eta bi talde islamista tartean. Orain arte soilik hamabost talde ezabatu dira multzo horretatik.

Joseba Azkarraga eta Bego Atxa Sareko bozeramaileak, gaur, Gasteizen. ©Raul Bogajo / FOKU

Inkomunikazioan oinarritutako zigor guztiak baliogabetzeko eskatu du Sarek

Maddi Ane Txoperena Iribarren

Gainontzeko presoei ere Atristain doktrina aplikatzea galdegin du euskal presoen eskubideen aldeko mugimenduak: «Asko dira Xabier Atristainen egoera berean Auzitegi Nazionalak epaitu eta zigortu dituen euskal presoak».

Aitor Esteban, atxiboko irudi batean. ©JUAN CARLOS HIDALGO / EFE

Ikus-entzunezkoen Legeari 45 zuzenketa txertatzea adostu dute EAJk eta Espainiako Gobernuak

Iosu Alberdi

Agirretxeak jakinarazi du estatuak EITBn «eskua sartzea» eragotzi dutela.

Bozkaleku bat 2019ko maiatzaren 26ko hauteskundeetan, Donostian. ©GORKA RUBIO / FOKU

BOTO PAPERAK, HITZAURREAN

Jon O. Urain

Udaletako, foru aldundietako eta Nafarroako Parlamentuko agintaldiak azken hilabeteetan sartuak dira, urtebete falta baita hauteskundeetarako. Oro har, alderdiak udazkenean sartuko dira bozen dinamikan, baina horien bilakaerak eta portaerak arrasto batzuk ematen dituzte bozketan jokoan egongo denaz.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...