Albistea entzun

B2 mailako azterketa gainditzen duten euskara ikasleei dirua itzuliko diete

A1, A2 eta B1 mailetan nahikoa izango da euskaltegien bidez maila egiaztatzea. %75eko asistentzia bermatu beharko dute maila guztietan
Bingen Zupiria.
Bingen Zupiria. MONIKA DEL VALLE / FOKU Tamaina handiagoan ikusi

Igor Susaeta -

2020ko otsailak 13

Arabako, Bizkaiko eta Gipuzkoako HABEko euskaltegietan, B2 mailara arte euskara ikasten ari diren ikasleek ikastaroa doan egin ahal izango dute Eusko Jaurlaritzak, hiru foru aldundiek eta Eudel Euskal Udalen Elkarteak lortutako akordioaren ondorioz. Diru laguntzak eskuratu ahal izateko, B2-ko ikasleek maila horretako azterketa gainditu beharko dute. A1, A2 eta B1 mailetako ikasleen kasuan, azterketa bat gainditu beharrean, nahikoa izango da euskaltegiek berek egiaztatzea maila gainditzeko moduan daudela. Maila guztietakoek %75eko asistentzia bermatu beharko dute. Aurtengo irailetik aurrera, ordea, B2 mailako ikasleentzat ere nahikoa izango da euskaltegiek berek egiaztatzea haien gaitasuna.

Aurtengo urtarriletik irailera arte A1, A2, B1 edo B2 maila gainditzen dutenek abenduan jasoko dute diru laguntza. Ia lau milioi euroko aurrekontua adostu dute instituzioek egitasmorako. Jaurlaritzak hiru milioi euroko ekarpena egingo du —2018an baino 1,2 milioi euro gehiago, Jaurlaritzaren beraren arabera—, Arabako Diputazioak 185.000 eurokoa, Bizkaikoak 480.000 eurokoa, Gipuzkoakoak 42.000 eurokoa eta Eudelek 221.000 eurokoa.

Atzo prentsaren aurrean egindako agerraldian jakinarazi zutenez, C1 eta C2 mailako ikasleei ere diru laguntzak emango dizkiete, «baina ezingo da erabateko doakotasuna bermatu». Bingen Zupiria Eusko Jaurlaritzako Kultura eta Hizkuntz Politikako sailburuak adierazi duenez, «euskararen ezagutza sustatzen eta indartzen» jarraitu behar da. Diru laguntzen sistemari dagokionez esan du horrek «ikasleen konpromisoarekin» lotuta egon behar duela: «Euskaltegietara joatea eta ikasteko prozesuan aurrera egitea eskatuko zaie».

«Interes elektoralistak»

EH Bilduk salatu du atzo iragarritako neurriak EAJren «interes elektoralistei» soilik men egiten diela: «EAJk nahita blokeatu du euskara doan ikasteko legea eta eta orain propagandari ekin dio». Rebeka Ubera legebiltzarkideak gogoratu du 2018an euskara doan ikasteko lege proposamena egin zuela EH Bilduk, eta EAJk haren tramitazioa «nahita eta etengabe oztopatu» zuela: «EAJk ez du helburu ez euskara ez gizartea; gainetik bere interes alderdikoiak jartzen ditu beti».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Formatu txikian egin duten arren, lehengoen antzerako irudi bat edo beste utzi du 2021eko Nafarroa Oinezek. ©Jagoba Manterola / Foku

Amaitu da Lizarrako Nafarroa Oinez

Paulo Ostolaza

Bi egunetan egin dute jaia, Lizarrako Ikastolak antolatuta. Eguraldiak lagundu ez duen arren, arazorik gabe bete dute egitaraua. Datorren urtean Tafallako Garces de los Fayos Ikastolak antolatuko du.

Martin Villa, iazko irailaren 3an Servini epailaren aurrean deklaratu ostean, auto barruan. ©JUANJO MARTIN / EFE

Martin Villa, Servinik auzipetua

Arantxa Iraola

Auto batean auzipetu du 1976ko Gasteizko hilketengatik eta German Rodriguezenarengatik

Suhiltzaileak lanean, Gasteizen, artxiboko irudi batean. ©Endika Portillo / Foku

Gizon bat hil da Donostian, taberna batean piztutako sute batean

Berria

Gros auzoko Gure Txoko tabernako sukaldean piztu da sua, goizeko 9:00ak aldera. Taberna itxita zegoen.

Nekane Lekuona. / ©Andoni Canellada, Foku

Minbiziaren ondorioak samurtu nahian umeei

Maria Ortega Zubiate - Gipuzkoako Hitza

Aspanogi elkarteak eskatu berri du protokolo bat ezar dezatela minbizia gainditu duten haurrei jarraipena egiteko. Gaixotasuna gainditu duten haurren %70ek jasaten dituzte ondorioak gerora.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna