Noiz sortua: 2018-09-11 00:30:00

Estatus berriaren auzian «egiaren ordua» hurbil dago, Ortuzarren esanetan

Eztabaidan «ez bustitzea» leporatu die PSEri eta Ahal Dugu-ri. Ahal Dugu-k «lotsagarritzat» jo du adituen batzordea parekidea ez izatea

Gotzon Hermosilla -

2018ko irailak 11

EAJren EBB Euzkadi Buru Batzarreko presidente Andoni Ortuzarrek uste du zirt edo zart egiteko garaia gerturatzen ari dela Arabako, Bizkaiko eta Gipuzkoako estatus berriaren auzian; izan ere, Eusko Legebiltzarreko talde parlamentarioek proposamenak egin dituzte adituen batzordea osatzeko, eta autogobernu lantaldeak bilera egingo du bihar aditu horien eginkizunak zehazteko. «Egiaren ordua» iristen ari da, Ortuzarren iritziz, eta uste du PSE-EEk eta Ahal Dugu-k jarrera argitu beharko dutela: «Objektiboki froga daiteke ez dutela eztabaidaren neurria eman eta ez dutela busti nahi izan», erantsi du.

Ortuzarrek uste du «balioetsi» egin behar dela EH Bildurekin lorturiko akordioa: «Historikoki defendatu dituztenak baino jarrera pragmatikoetara hurbildu dira», esan du. Baina EAJk talde gehiago bildu nahi ditu akordiora, eta, horregatik «apur bat mugitzeko» eskatu die PSE-EEri eta Ahal Dugu-ri, «orain arte ez baitira batere mugitu». Hala egitekotan, Ortuzar «urratsak egiteko» prest azaldu da.

Sortuko idazkari nagusi Arkaitz Rodriguezek ere balioetsi du EAJren eta EH Bilduren arteko akordioa, eta «historikotzat» jo du, lehenengo aldiz —Lizarra- Garaziren akordioaren garaia salbu— jarri baitira ados «bi familia abertzale nagusiak» proposamen politiko baten inguruan.

Ahal Dugu-k, berriz, «lotsagarritzat» jo du emakume bakarra egotea adituen taldea osatzeko proposatutakoen artean. «Emakumeen ahotsak egon behar du adituen batzorde horretan», esan du Andeka Larrea Ahal Dugu-ko komunikazio idazkariak; «estatutu berriak feminista izan behar du».

Elkarrekin Podemos koalizioak proposatu du adituen batzordea parekidea izatea. EH Bilduko legebiltzarkide Jasone Agirrek esan du prest daudela proposamena aztertzeko, eta «garrantzitsua» dela batzorde hori «eta beste zenbait batzorde ere» parekidea izatea, «lehentasunezkotzat» jo ez duen arren.

Babes «transbertsala»

Espainiako Barne ministro Fernando Grande-Marlaska ere mintzatu da auziaz. Aitortu du ez dituela «zehatz-mehatz» ezagutzen EAJren eta EH Bilduren arteko akordioaren nondik norakoak, baina erantsi du edozein akordiok «herritarren babes transbertsala» izan behar duela «legezko bidea» egin dezan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna