Albistea entzun

Gasteizko Udalak laguntza bat itzultzeko eskatuko die Etxerat-i eta Sareri

EAEko Auzitegi Nagusiak epai batean esan du egitasmo eta helburu «alderdikoiak» dituztela elkarteek. Ruiz gero eta «larriago» dago
Etxerat-eko kideak, 2017an, Gasteizen, urruntzearen aurka.
Etxerat-eko kideak, 2017an, Gasteizen, urruntzearen aurka. JUANAN RUIZ / FOKU Tamaina handiagoan ikusi

Enekoitz Esnaola -

2020ko maiatzak 28

Gasteizko Udalak 2017an deialdi ofizial baten bidez emandako diru laguntza bueltatzeko eskatuko die Etxerat eta Sare elkarteei, EAEko Auzitegi Nagusiak sententzia bat atera ondoren. Zehazki, bosna mila euro eman zizkien, Bizikidetza eta Dibertsitate Batzordearen deialdi batean. PPk ekarpena egin izana salatu zuen, baina beste udal talde guztiek baztertu egin zuten Sare eta Etxerat ez laguntzeko egindako eskaera.

Auzitegietan bukatu zuen aferak, eta EAEko Auzitegi Nagusiak joan den hilaren 12an argitaratu zuen epaia: udalari agindu dio berreskura dezala bi elkarte horiei emandako diru laguntza, bion egitasmoak eta helburuak «alderdikoiak» direla ebatzi baitu.

Etxerat-ek BERRIAri adierazi dio bere kasuan ez dagoela horrelako aurrekaririk. Informazioa bildu eta udalarekin harremanetan jartzeko asmoa agertu du.

Gasteizko PP gustura azaldu da ebazpenarekin, eta Gorka Urtaran alkateari galdegin dio eskatzeko 2016an eta 2018an ere Sareri eta Etxerat-i emandako diru laguntzak itzultzeko, ez 2017koa soilik. PPren arabera, 18.500 eurokoa izan zen udalaren diru laguntza hiru urteotan. «ETAko presoen» babeseko taldeei dirua «oparitu» izana gaitzetsi du PPk.

Bestalde, Patxi Ruiz euskal presoak gose grebaren 17. eguna bete zuen atzo, Murtzia II (Espainia) kartzelan. Erizaindegian dago, bakartuta. AEMk prentsa ohar batean esan du haren osasun egoera gero eta «larriagoa» dela.

Ruizen egoeraren aurka eta amnistiaren alde, atzo EAJren beste lau batzokitan pintaketak egin zituzten zenbait ezezagunek, Bizkaian: Arteakoan eta Bilboko hirutan. EAJren BBBk EH Bilduri eskatu dio «eraso hauetatik aldentzeko, publikoki eta argi eta garbi».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©MARISCAL / EFE

«EAJk 40 urtez egin duen politikan dabil EH Bildu orain»

Xabier Martin

Kupoaren bost urterako akordioa da EAJren legegintzaldiko mugarri nagusietako bat, Sagastizabalen arabera. Nafarroako trafiko eskuduntzari ongietorria egin dio.
Maria Txibite Nafarroako lehendakaria. ©VILLAR LOPEZ / EFE

Foru Hobekuntza: osatu edo berritu

Jon O. Urain

Txibitek uste du ez dela garaia Nafarroako Foru Hobekuntza moldatzeko, hura «garatzeko» baizik. Barkosek dio legea «bete gabe» dagoela eta «itun politiko berri bat» beharrezkoa dela

IAren mobilizazioa, martxoaren 24ko greba zela-ta, Gasteizen. ©Iñigo Uriz / Foku

Mugimendu Sozialistako bi kidek «jazarpen poliziala» salatu dute

Berria

Esan dutenez, «kolaboratzeko» eskaintza egin diete telefonoz zein zuzenean

Tellez, 2008ko ekaineko mobilizazio batean, Managuan. ©Mario Lopez / EFE

Dora Maria Tellezi emango diote Rene Cassin saria

Jon O. Urain

«Giza eskubideen sustapenean, defentsan eta zabalkundean duen konpromisoagatik» sarituko dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...