Albistea entzun

Alokairuaren prezioa kontrolatzeko legea hitzartu dute Nafarroan

PSNk, Geroa Baik eta Ahal Dugu-k aurkeztu dute lege proiektua, baina talde gehiagoren babesa beharko dute. Jose Mari Aierdiren arabera, «edukia sakona eta aurreratua» da
Ana Ansa (Geroa Bai), Jose Mari Aierdi, Arantza Biurrun (PSN) eta Mikel Buil (Ahal Dugu), atzo.
Ana Ansa (Geroa Bai), Jose Mari Aierdi, Arantza Biurrun (PSN) eta Mikel Buil (Ahal Dugu), atzo. JAGOBA MANTEROLA FOKU Tamaina handiagoan ikusi

Joxerra Senar -

2022ko urtarrilak 18 - Iruñea

Etxebizitzaren merkatua arautzeko erreminta gehiago izango ditu aurki Nafarroako administrazioak, batik bat alokairua kontrolatu ahal izateko. Nafarroako Gobernua osatzen duten hiru alderdiek —PSNk, Geroa Baik eta Ahal Dugu-k— 2010eko Etxebizitzaren Legea aldatzeko proiektua hitzartu dute, eta atzo goizean erregistratu zuten parlamentuan. Hiru alderdietako eledunak pozik agertu ziren emaitzarekin. Jose Mari Aierdi Etxebizitza eta Lurralde Antolamenduko kontseilariak azpimarratu zuen edukia «sakona eta aurreratua» dela merkatuaren errealitate zailari aurre egin eta etxebizitza eskubidea gauzatzeko bidean.

Dena den, ez da erraza izango aurrera ateratzea. Hasteko, hiru alderdiek ez dutelako gehiengorik parlamentuan. Aierdik atzo aipatu zuen EH Bilduk eta Ezkerrak negoziazioen berri izan dutela, baina, parlamentuan, azken testuak bi talde horien ekarpenak ere jaso beharko ditu. Legebiltzarrean bide luzea geratzen zaio lege proiektuari. Atzo goizean Eledunen Batzordetik pasatu ostean, ohiko prozedurari jarraitu beharko dio: lehenik, osoko bilkuran aintzat hartu beharko da; ondoren, batzordeetatik igaro beharko du; eta azken testua osoko bilkuran bozkatuko da. Ikusteko dago Navarra Sumak zer jarrera hartzen duen.

2010eko legeari hainbat aldaketa esanguratsu egitea proposatu dute. Adibidez, alokairuen errenta kontrolatzeko mekanismo berriak ezarriko dira. Alokairuen iraunkortasunerako indizearen bidez, gobernuak alokairuari gehienezko prezio baten erreferentzia ezarriko dio, tokiz toki. Adierazle hori bi tarteren artean egongo da: urteko errenta 3.600 eurokoa izango da gutxienez, eta lanbide arteko soldata bider 1,5 izango da gehienez.

Lehen aldiz, alokairu kontratuen erregistroa ezarriko da Nafarroan. Halaber, babes ofizialeko etxebizitzen kalifikazioa iraunkor egin nahi du legeak, administrazio publikoek etxebizitzekin egiten duten esfortzu horri eutsi ahal izateko. Izan ere, orain arte Nafarroak sustaturiko 56.000 etxebizitzetan erdiak bakarrik dira publikoak oraindik (28.000, zehazki), eta legeak izaera publiko horri eustea proposatzen du. Babes ofizialeko etxea galtzeko baldintzak ere ezartzen dira: adibidez, etxea ohiko bizitoki gisa ez erabiltzea.

Tramitazioaren aldia

Gaur-gaurkoz, etxebizitzaren lege proiektua tramitazioan dago Espainiako Kongresuan. Izan ere, Espainiako Botere Judizialaren Kontseiluak egitasmo horri buruzko txosten bat kaleratuko du aurki. Nahiz eta legeak jaso autonomia erkidegoek eskumena izango dutela alokairua arautzeko, Geroa Baiko Ana Ansak espero du bi legeen artean «talkarik ez egotea». Bestalde, Aierdik ados jartzeko gai izango diren itxaropena agertu zuen. Gaineratu zuenez, «estatuko legearen musikarekin bat egiten dute» hiru alderdiek.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Uribarri-Ganboako urtegia, artxiboko irudi batean. ©Jaizki Fontane / FOKU

Eraso homofobo bat salatu dute Uribarri Ganboa urtegian

Berria

Arroiabeko hondartza nudista inguruan, harri batez eraso egin diete bi homosexuali, «marikoi zikina» oihuen ondotik. Harriak bietako bati eman dio. Erasoa jasan dutenek salaketa jarri dute.

Atzoko ekitaldiko irudi bat. ©Falas Itusiol Famirrie

Izagirre gudariaren hezurrak jaioterrira itzuli dituzte

Edu Lartzanguren

Musika eta dantza ekitaldi batekin hartu dituzte gorpuzkiak senideek eta haren bilaketan aritutakoek, 85 urteren buruan. Tomas Rubin gudariaren gorpuzkiak gaur jarriko dituzte haren sendiaren esku.

Ikusgunek gaur goizean egindako agerraldia. ©RAUL BOGAJO/FOKU

Lau urtean hirukoiztu egin dira Ikusgunen salatu diren gertakari LGTBIfobikoak

Jone Arruabarrena

Eraso transfoboen eta gorroto diskurtsoen gorakadaz ohartarazi du behatokiak LGTBIfobiaren aurkako Nazioarteko Egunaren bezperan

Baionako geltokitik gertu getatu zen liskarra. ©Bob Edme

Gizon bat larri zauritu dute Baionan, borroka batean

Berria

Denera hiru pertsona zauritu dituzte, labanekin eta botilekin eginiko borroka batean.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...