Albistea entzun

AEBen eta Iranen aldeko miliziak elkarri erasoka, Siria ipar-ekialdean

Gorka Berasategi Otamendi -

2022ko abuztuak 26

AEBen eta Iranen aldeko miliziek elkarri eraso egin diote azken egunotan Siria ipar-ekialdeko Deir al Zur eskualdean. Teheranek ukatu egin du talde horrekin lotura duela, eta Siriatik alde egiteko eskatu dio Washingtoni, estatu horren subiranotasuna eta nazioarteko legedia urratzen ari dela argudiatuta. Eraso horiek gertatu dira AEBak eta Iran negoziazioak ixtear daudenean, Teheranen programa nuklearra mugatuko lukeen itun bat adosteko.

Washingtonek herenegun jakinarazi zuen Iranen aldeko kanpaleku bat eta munizioa biltzeko azpiegitura bat suntsitu zituela misil bidez. Londresen egoitza duen Giza Eskubideen Siriako Behatokiaren arabera, sei miliziano hil ziren eraso horretan. Washingtonek azaldu du AEBek gidatzen duten koalizio militarrari eraso egin ziotela milizia horiek hamar egun lehenago.

Herenegun gauean, bi jaurtigaik jo zuten nazioarteko koalizioak base militar bat duen Konikoko gas hobian, eskualde berean, eta AEBek berriro jo zuten Iranen aldeko milizien kontra, misilak jaurtita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Peruko Polizia herritar bat atxilotzen, Boluarteren aurkako manifestazio batean, atzo, Liman. ©Antonio Melgarejo / EFE

Peruko bozak urrira aurreratzeko lege proiektua aurkeztu du gobernuak

Mikel O. Iribar

Hain zuzen, Kongresuak hauteskundeak abendura aurreratzeari ezezkoa eman ondoren heldu da gobernuaren erabakia. Proposamen horren arabera, Boluarteren agintaldia abenduaren 31n amaituko litzateke.

 ©KETTY MARCELO LOPEZ

«Perun hil egiten gaituzte; diktadura zibiko-militar batean bizi gara»

Mikel O. Iribar

Buruzagi indigenak azaldu duenez, Castilloren atxiloketa «bidegabeak» ez ezik, Perun duten krisi sozialak eta arrazakeriak ere eragin dituzte egungo protestak: «Ez dugu amore emango».
Goizaldean bonbardatutako eraikinetako bat, Kramatorsken. / ©Segey Shestak, EFE

Hiru pertsona hil dira etxebizitza eraikin baten aurkako bonbardaketan Ukrainan

Arantxa Elizegi Egilegor

Kievek ohartarazi du Errusiak «erasoaldi handi bat» hasteko asmoa duela gerra hasieraren urteurrenean. Europako Batzordeko presidentearen bisita baliatuta, Zelenskik zigor gehiago eskatu ditu Moskuren aurka.

Protesta bat Jeninen, Gazan, joan den ostiralean, Zisrdanian egindako sarekadak salatzeko. / ©Mohammed Saber, EFE

Israelek 224 palestinar hil zituen iaz, tartean 53 adingabe

Arantxa Elizegi Egilegor

Goizaldean, Israelgo armadak Gazako hainbat eremu bonbardatu ditu. Ez da zauriturik egon.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.