Albistea entzun

Gipuzkoako senideek ez dute konponbiderik ikusten zahar etxeetako lan gatazkan

Irtenbideak eskatu dituzte, egoiliarren egoera eta zahar etxeetakoa aldatzeko. Haien arabera, «inor» ez da gai baliabideak jartzeko
Gipuzkoako Senideak elkarteko kideak, artxiboko irudi batean.
Gipuzkoako Senideak elkarteko kideak, artxiboko irudi batean. JON URBE / FOKU Tamaina handiagoan ikusi

Amaia Ramirez de Okariz Kortabarria -

2021eko apirilak 7

Gipuzkoako Senideak elkartearen arabera, zahar etxeetako lan gatazka «nahastuta» dago, eta ez daude itxaropentsu: «Erabat korapilatuta dago aspalditik, eta ez dirudi epe laburrera edo luzera konpontzeko aukerarik dagoenik». Halere, senideek uste dute irtenbideak behar direla, adinekoen edo menpekotasunen bat dutenen bizi baldintzak eta egoitzen funtzionamendua aldatzeko.

Hain zuzen, Gipuzkoako zahar etxeetako langileek martxoaren 30ean izan zuten 249. greba eguna: ELAk, LABek, Gipuzkoako Senideak taldeak eta Irauli Zaintza plataformak mobilizazio bateratu bat egin zuten, Donostian. Langileei baldintza duinak emateko eta zerbitzua hobetzeko eskatu zuten.

Senideek, berriz, ohartarazi dute lanean jarraitzen dutela, eta saiatzen ari direla gatazkaren parte diren alde guztiekin kontaktuan egoten, norbaitek lan gatazka bideratzeko urratsen bat egin dezakeen ikusteko. Hala ere, elkarteko kideek aitortu dute «inor» ez dela gai baliabideak jartzeko. «Gure aukera da adinekoen eta langileen egoera ahalik eta gehien ezagutarazten jarraitzea, eta indar publikoa egitea; babesik gabe sentitzen gara, baina hemen gaude».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzaintzaren kontrol bat, Gasteizko irteeran. ©ENDIKA PORTILLO / FOKU

Intzidentzia 400dik gorakoa da Araban, Gipuzkoan eta Nafarroan

Ion Orzaiz - Uxue Rey Gorraiz Arantxa Iraola

Bilbo eta Gipuzkoa itxiko dituzte, eremu gorrian sartu ostean. Positibo tasa %8,9 da Hegoaldean. Ostalariek helegitea jarriko dute, baina, Urkulluren esanetan, oraindik ezin dira neurriak arindu
 ©OSKAR MATXIN EDESA / FOKU

«Diru sarreren faltak oso egoera txarrean utzi du jendea»

Maria Ortega Zubiate

Izurriak zaildu eta moteldu egin du nazioarteko lankidetzan dabiltzan GGKEen lana, eta egoera bidegabe asko gordindu egin dira. Horien eragina apaltze aldera politika publikoak sustatu behar direla defendatu du Calvok.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna