HIZPIDEAK

Illunbe, aldaketa ispilu

Garikoitz Goikoetxea -

2019ko abenduak 11

Gipuzkoako Bertsolari Txapelketak finala du larunbatean. Aldaketaren ispilua izango da Illunbe. Aldaketa, plazan bidea eta lekua egiten ari den belaunaldi berriak ordezkaritza sendoa izango duelako, ibilbide luzeagoa dutenekin batera: batez bestekoa 34 urtean du zortzikoteak, eta 21 urteren aldea dago zaharrenaren eta gazteenaren artean. Aldaketa, lehen aldiz lau emakumek eta lau gizonek osatuko dutelako taldea: ez da txapelketa parekidea izan bertsolarien sexuari begiratuta —38 gizon eta hamar emakume; bostetik bat—, baina puntuazioek ekarri dute oreka finalera. Datuez harago, halere, aldaketa kualitatibo baten zantzuak ditu txapelketak.

Ez dira oraingoak txapelketari buruzko eztabaidak: zentzuari, funtzioari eta pisuari buruzko egonezinak. Gaitzen alboan, nabarmentzekoak dira onak ere: hilabeteetako bidean eskualdez eskualde sortutako mugimendua, bildutako jende kopurua eta aniztasuna, bertsozale mugimenduari emandako hauspoa.

Katea sortzen eta sendotzen, transmisioan eginiko ahaleginaren emaitza ari da ikusten: hezkuntzan, bertso eskoletan eta beste bide batzuetan eginiko lanaren fruitua. Azken inkestak berretsi du jende gehiago joaten dela bertsotara.

Kate lan horren eragina, ordea, bertso arlotik haragokoa da: ekarpen handia da euskal kulturarentzat, oro har, eta giltzarria euskara indarberritzeko bidean. Beste pauso bat izango da larunbatekoa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna