Jaurlaritzarako primarioak uztailean egingo ditu PSE-EEk

Berria -

2019ko ekainak 11
PSE-EEk datorren hilabetean egingo ditu Eusko Jaurlaritzako lehendakarigaia aukeratzeko hauteskunde primarioak, eta prozesu horretara aurkeztuko da berriro Idoia Mendia alderdiko idazkari nagusia. Alderdiko zuzendaritzak aho batez onartu du primarioen egutegia, eta PSOEren oniritzia dauka, PSEk ohar batean jakinarazi duenez.

Iñigo Urkullu Jaurlaritzako lehendakariak hauteskundeak aurreratzen ez baditu, 2020ko udazkenean egitekoak dira bozak. PSEko zuzendaritzak nabarmendu du hauteskunde horiek «berebiziko garrantzia» izango dutela, eta, beraz, beharrezko jo du «denboraren planifikazio egokia» egitea, «egungo goranzko joerari eusteko».

Primarioen prozesua «berehala» jarriko dute martxan: bermeak ekainaren 16tik 28ra bildu beharko dituzte hautagaiek, eta, hautagai bat baino gehiago aurkeztuko balitz, uztailaren 13an egingo lukete bozketa. Bigarren itzuli bat egitea beharrezkoa balitz —ezein hautagaik ez duelako botoen %50 baino gehiago eskuratu—, uztailaren 20an egingo lukete. Begoña Gilek eta Alfredo Retortillok egingo dute programa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna