Espetxeen kudeaketa martxoan eskualdatuko duela dio Madrilek

Epeak atzeratu egin ditu, eta transferentziak egiteko beste egutegi bat bidali dio Jaurlaritzari
Carolina Darias eta Josu Erkoreka, joan den otsailean, Madrilen, egutegia ixteko bileran.
Carolina Darias eta Josu Erkoreka, joan den otsailean, Madrilen, egutegia ixteko bileran. LUCA PIERGIOVANNI / EFE Tamaina handiagoan ikusi

Edurne Begiristain -

2020ko urriak 16

1979ko estatutuan jasota baina oraindik eskualdatu gabe dauden eskumenak transferitzeko egutegia eguneratu du berriro Espainiako Gobernuak, eta proposamen berria igorri dio Eusko Jaurlaritzari. Joan den otsailaren 20an bi gobernuek hitzartutako egutegiaren epeak berriro moldatu ditu Madrilek, eta bost hilabete inguru atzeratu du hiru transferentzia multzoen negoziazioa. Plan berriaren arabera, bi gobernuek martxorako itxiko dituzte bigarren blokeari buruzko elkarrizketak: besteak beste, espetxeetako eskumena dago zerrenda horretan.

Guztira, 29 eskumenen inguruan negoziatzeko agenda bidali dio Carolina Darias Espainiako Lurralde Politikako ministroak Jaurlaritzari. Zirriborro bat da, eta oraindik ez dute ofizial egin, baina Urkulluren gobernuak begi onez jaso du proposamena. Hala baieztatu zuten atzo Josu Erkorekak eta Idoia Mendiak, Jaurlaritzako lehendakariorde lehenak eta bigarrenak, hurrenez hurren. Estatutua osorik betetzeko bidea «berreskuratu» egin da, haien ustez.

Espainiako Gobernuak egutegia aldatu badu ere, negoziatzeko dauden transferentzien hiru blokeak bere horretan utzi ditu, bi gobernuek aurretik adostuta zuten bezala. Berritasun bakarra du egutegi berriak: bizitzeko gutxieneko diru sarrera hil honen amaierarako eskualdatuko dela jaso du.

Bi gobernuek otsailean adostu zuten 32 eskumen jasotzen dituen kronograma, eta ekainaren 25ean eskualdatu zituen lehen hirurak: lan erregulazioko espedienteen eraginpean dauden langileen erretirorako laguntzei dagokiena, farmazia produktuei buruzko legedia ezartzeari dagokiona eta eskola aseguruaren osasun laguntzei dagokiena. Negoziatzeke dagoen bigarren multzoan beste 11 eskumen jaso dituzte, eta horien artean dago espetxeen kudeaketa. Abendurako eskualdatzea hitzartu zuten bi gobernuek, baina, egutegi berriaren arabera, 2021eko martxorako transferituko dituzte.

Bigarren multzoa, berriz, 2021eko urrirako eskualdatuko lukete, eta eskumenen hirugarren blokearen negoziazioak 2021eko azaroan hasiko lirateke, eta 2022ko maiatzean amaitu. Multzo horren barruan legoke Gizarte Segurantzaren kudeaketa ekonomikoa. Eskumen horrekin lotutako gaiak «aztertzen hasiko» direla hitzartu dute bi aldeek.

Eskumenen egutegia hizpide izan zuen atzo Maddalen Iriarte EH Bilduko eledunak. Ohartarazi zuen estatutua ez dela beteko, eta premiazkotzat jo zuen «burujabetzaren bidea» jorratzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Agus Hernan Foro Sozial Iraunkorreko ordezkaria, atzo, Granadako Alboloteko espetxe aurrean. ©FORO SOZIALA

EPPK prest dago espetxe politikaren «diseinuan konpromisoak emateko»

Jon O. Urain

Agus Hernan Foro Sozial Iraunkorreko ordezkariak bilera egin du Granadako espetxean Jon Olarra eta Ainhoa Mujika EPPK-ko zuzendaritzako kideekin. Presoen egoera salatu du kolektiboak

Joan den larunbatean Donostian egindako manifestazioa. ©Juan Carlos Ruiz / Foku

Iñaki Bilbao presoak gose greba utzi du

Gotzon Hermosilla

AEMk azaldu duenez, janaria hartzen hasi da, baina gertukoei adierazi die borroka ez dela «amaitu».

Teresa Toda eta Aitzol Asla Behatokiko kideak, atzo, Bilbon. ©ARITZ LOIOLA / FOKU

Bakartzea: kartzela barneko kartzela

Maddi Ane Txoperena Iribarren

Bakartze moduluetan dauden euskal presoen egoera aztertu du Foro Sozialak bigarren txosten monografikoan. Urrian hogei euskal preso zeuden horietan. Espetxe legedian aurrera egiteko trabak salatu dituzte.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Edurne Begiristain

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna