Albistea entzun

SOSLAIA. Idoia Mendia

Bilbotarra, PSEkoa eta pessoazalea

JUAN HERRERO Tamaina handiagoan ikusi

Joxerra Senar -

2021eko irailak 22

Halaxe aurkezten du bere burua Idoia Mendiak, bere blogean: bilbotarra, PSE-EEkoa eta pessoazalea. Haren ibilbideari begira, ez dago zalantzarik lehen biak bizitzaren ardatz direla. Hirugarrenari dagokionez, aitortu du gorabeherei aurre egiteko poeta portugaldarraren ahotsa duela gogoko.

1965ean jaio zen, Bizkaiko hiriburuan. Hango Lauro ikastolan ikasi zuen, eta gaztetan, Deustuko Unibertsitatean. Zuzenbide ikasketak amaituta, abokatu bulegoa ireki zuen. Alta, berehala egin zuen jauzi politikara, eta, 27 urterekin, izena eman zuen PSE-EEn, 1993an.

Pixkanaka?egin zuen gora alderdian. Hasieran, bere jarduera politikoa eta militantzia sozialista bulego profesionalarekin bateratu zituen. Garai hartan, 1995ean ezagutu zuen senarra, Alfonso Gil, Bilboko oraingo Mugikortasun hautetsia. Mendiak lehen urte haietan ez zuen kargu publikorik izan, harik eta 2002an legebiltzarkide aukeratua izan arte. 2003ko udal bozetan Barrikako zinegotzi ere aukeratu zuten.

Patxi Lopez lehendakariaren gobernuan eman zen ezagutzera, Justizia sailburu eta eledun gisa, eta urte horietan bildutako kapital politikoa baliagarri izan zitzaion Lopezen oinordeko izateko, behin hark PSE-ko idazkaritza nagusia utzi zuenean, 2014an. Legealdi hartan oposizioan izan zen, eta hurrengoan EAJrekin osatutako koalizio gobernuen alde egin zuen. Iazko hauteskundeetan, koalizio gobernua berretsi zuen PSE-EEk, eta ordutik lehendakariorde da. Karguari eutsiko dio, baina lemazain izateari utziko dio. Geroak esango du lider aldaketarekin PSEk beste ildo bat hartuko duen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Isabelle Miquelestorena

Euskal kulturaren «pizkundearen sortzailetzat» jo dute Abeberri

Ainize Madariaga

Euskal Dantzarien Biltzarreko presidente izan zen. Abeberrik dantza profesionalizatzearen alde eginiko lana nabarmendu du Filgi Claveriek
Donostiako Dbuseko autobus bat. ©GORKA RUBIO / FOKU

Mugiren %50eko deskontuaren luzapenak talka eragin du erakundeen artean

Xabier Martin

Gipuzkoako Foru Aldundiak iragarri du 2023an ere egungo deskontuari eutsiko diola Mugi txartelan, baina neurri horren ordainketa nork egingo duen ez dago argi.

Jakes Abeberri abokatu, politikari, dantzari eta euskaltzale abertzalea, Miarritzen. ©DANIEL VELEZ

Abertzaleen ibilbidean erreferente

Jone Arruabarrena Ekhi Erremundegi Beloki Iñaki Etxeleku

Jakes Abeberri hil da, 92 urte zituela. Enbata mugimenduaren sortzaileetako bat izan zen, eta izen bereko aldizkariaren zuzendari. Astelehenean omenduko dute, Miarritzeko elizan
Elkarrekin Herriarentzat talde politikoaren aurkezpena. ©/ Bob Edme

Etxelekuk Etxegarairengana joko du, taldearen sorrera gauzatzeko

Ekhi Erremundegi Beloki

Gutuna bidaliko diote talde politikoaren sorrera formalizatzeko, eta abenduaren 10eko batzarrerako osatua izatea espero dute. «Kontra» joateko borondatea ukatu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.