Espainiako Gorteetarako hauteskundeak. Biharamuna

PPren euskal alderdikide batzuek Casadoren ildoa kritikatu dute

Pablo Casado, atzo.
Pablo Casado, atzo. CARLOS PEREZ / EFE

Gotzon Hermosilla -

2019ko maiatzak 1

Igandeko porrotaren ostean, urak nahasita datoz PPn. Batzorde Eragileak bilera egin du Madrilen, eta handik ateratakoan, Pablo Casado presidenteak esan du ez duela dimisiorik emango, eta hasi da alderdiak aurrerantzean izango duen diskurtso berriaren lehen zantzuak ematen: PP «zentro ideologikoan» dagoela esan du, eta aurreneko aldiz adierazi du Vox «ultraeskuina» dela, eta Ciudadanos «sozialdemokratatzat» eta «transfugen»alderditzat jo du.

Lehen zantzua da hori, baina izan du kritikarik handik kanpora. Horietako batzuk EAEko PPtik iritsi zaizkio. Juan Carlos Cano Gipuzkoako ahaldun nagusi izateko PPren hautagaia izan da ahoan legarrik gabe mintzatu direnetako bat. Esan du PP «eskuin muturrarekin lehiatu» egin dela, lehia horretan zentro politikoa «umezurtz» utzi duela, eta erabaki horiek «okerrak» izan direla.

«Gipuzkoarako erabakiak Madrilen hartzen direnean, emaitzak horrelakoak izaten dira», esan du, eta kritikatu du Espainiako PPk erabaki izana nor izango zen Gipuzkoako zerrendaburua.

Bilboko PPren zinegotzi Luis Egiluzek ere kritikatu du alderdiaren orain arteko ildoa. PPren buruzagi Amaya Fernandezen adierazpen batzuei erantzun die: Fernandezek esan zuen PPren emaitzak ez direla «gainbehera» izan. «Gainbehera ez, nik erabateko hondamendia deituko nioke», erantzun dio Egiluzek.

«Vox imitatzen saiatzen bazara, jendeak jatorrizkoa nahiago izango du beti», esan du, eta ardurak hartzeko eskatu du: «Enpresa batean helburu bat finkatu eta emaitza negargarria bada, norbaitek ordaindu behar du; helburuak ezarri dituenak, edo estrategia oker aplikatu duenak».

Maroto, ordezkatuta

Javier Maroto PPren Antolakuntza idazkariordea ez da egongo alderdiaren hauteskunde estrategia definituko duen batzordean, aurreko kanpainaren arduradun nagusietako bat izan zen arren. Maroto Arabako zerrendaburua zen Kongresurako, eta ez da hautatua izan.

PPk diskurtsoa aldatu du, eta berriro zentroan kokatzen saiatuko da

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna