Albistea entzun

Eusko Jaurlaritzaren aurrekontuak. Kultura eta Hizkuntza Politika

Euskara ikasketen doakotasuna sustatuko du Eusko Jaurlaritzak

Diru laguntza berezi bat onartu du 16-18 urte bitartekoek doan egin ditzaten euskarazko C1 mailara arteko azterketak. Datorren urtearen hasieran onartu asmo du 2030 bitarteko kulturaren plan estrategikoa
Ezker-eskuin: Bingen Zupiria, Andoni Iturbe, Miren Dobaran eta Gorka Iturriaga, atzo, Eusko Legebiltzarrean.
Ezker-eskuin: Bingen Zupiria, Andoni Iturbe, Miren Dobaran eta Gorka Iturriaga, atzo, Eusko Legebiltzarrean. RAUL BOGAJO / FOKU Tamaina handiagoan ikusi

Aitor Biain -

2022ko azaroak 4 - Gasteiz

Arabako, Bizkaiko eta Gipuzkoako gazteen artean euskararen ezagutza eta erabilera sustatzea da Eusko Jaurlaritzak datorren urterako jarri duen helburu nagusietako bat, eta hori lortzeko beste urrats bat egingo du euskara ikasteko ikasketen doakotasunean. Diru laguntzak handituko ditu 16 eta 30 urte arteko ikasleek B2 mailako azterketak ez ezik, C1 mailakoak ere doan egin ditzaten datorren ikasturtean. Bereziki 16-18 urte artekoen artean indartuko du xede hori, eta horretarako 750.000 euroko bideratuko ditu.

Hala jakinarazi zuen atzo Bingen Zupiriak Eusko Legebiltzarrean, Kultura eta Hizkuntza Politikako sailaren 2023ko aurrekontuak alorrez alor azaltzeko egindako agerraldian. Sailak 352,5 milioi euroko aurrekontua izango du datorren urtean, aurten baino ia 31 milioi euro gehiago. Europako Next Generationen diru poltsatik jasotako dirua ere izango du erabilgarri lehen aldiz, 3,8 milioi euro denera, eta kulturaren sustapenerako, kirolean berdintasuna bultzatzeko eta ondarea berreskuratzeko erabiliko dute, batez ere.

Hizkuntza politikari dagokionez, sailburuak legealdiko helburuen artean jarri zituen euskararen normalizazioan aurrera egin, eta ezagutza nahiz erabilera areagotzea. Eta horretarako 148,5 milioi euro bideratuko ditu datorren urtean. Jaurlaritzaren arabera, zeregin horretan ezinbestekoa da helduen euskalduntzea. Hain justu, HABEren aurrekontuak igoera «nabarmena» izango du 2023an: aurten baino hiru milioi euro gehiago jasoko ditu, 49 milioi euro denera. Horri esker, itunpeko euskaltegien aurrekontua 27,6 milioi eurokoa izango da. Euskara ikasketen doakotasuna indartzeko ez ezik, balioko du irakasleen lan baldintzak hobetzeko ere.

Horrez gain, euskara ikastea herritarrentzat eskuragarriagoa izateko plataforma teknologiko bat ere garatuko dute, Ingura deiturikoa; 710.000 euro jarriko dira horretarako. Euskal hiztunak aktibatzeko proiektu bat ere ageri da berrikuntzen artean: merkataritza alorrean euskararen erabilera sustatzeko marka bateratu bat jarriko du martxan Nafarroarekin eta Ipar Euskal Herriarekin batera. Barra-Barra izena jarri diote izena, eta 128.000 euro bideratu dira horretarako.

Zupiriak adierazi zuen 2023a urte «garrantzitsua» izango dela hizkuntza politikarako, besteak beste hainbat dekretu onartzea eta berritzea egokituko zaielako. Euskal Herriko inkesta soziolinguistikoaren emaitzak ere datorren urtean ezagutaraziko dira.

Ondarea eta digitalizazioa

Kulturaren arloan ere izango da berrikuntzarik. Izan ere, urtearen hasieran onartu asmo du Jaurlaritzak 2030 bitarteko kulturaren plan estrategikoa. Helburu horiei begira antolatu dira hurrengo urteko diru sailak ere. Hala, jada egin diren inbertsioei jarraipena emango zaie, besteak beste. Edonola ere, eta iazkoaren aldean aurrekontua zertxobait handiagoa izango bada ere, ez da igoera nabarmenik izango kulturari dagokionez.

Diru ekarpenak handituko zaizkie museo, erakunde eta jaialdi nagusiei kultura sustatzen eta eskaintza aberasten jarrai dezaten. Tartean, Gasteizko Artium museoari 200.000 euro emango zaio bizirik dauden euskal artisten lanak erosteko. Halaber, inbertsio garrantzitsuak egingo dira kultur ondarea berreskuratzeko: Getariako (Gipuzkoa) Zarautz jauregia zaharberritu eta Elkanori buruzko museo bat jarriko dute, esaterako; Arabako Errioxako paisaia kultur ondare izendatzeko lanak ere hasiko dituzte.

Euskariana liburutegi digitala indartzeko 225.000 euro bideratuko ditu, eta milioi erdi jarriko ditu artxiboen digitalizaziorako. Bi milioi bideratuko ditu liburutegi sarea bultzatu eta irakurzaletasuna sustatzeko. Kulturklik plataformaren aldeko «apustua» ere berretsi zuen Zupiriak, eskaintzaren berri emateko eta profesionalei informazioa helarazteko «tresna egokia» dela iritzita.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

 ©IÑIGO URIZ / FOKU

«Gure erronka da nola lotu nazio proiektua oraingo borrokekin»

Joxerra Senar

Hiru urteko etenaldiaren ostean, Plaza Hutsa egingo du Sortuk Burlatan bihar. Militantziaren bilgune horretan, herrigintzari buruz gogoeta egin eta ildo bat ezarri nahi diete aurretik ezarritako sei eremu estrategikoei.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.