Ertzaintza oldartu egin da Erandioko etxegabetze batean
Dozenaka lagun bildu ziren atzo Erandion (Bizkaia) etxegabetze bat gelditzeko, baina ertzainak indarrez sartu ziren etxebizitzan, eta barruan zeudenak atera zituen. Kaleratuak bost urte zeramatzan bizitoki horretan.
Goizetik bildu ziren manifestariak kaltetuari babesa ematera, eta, goizak aurrera egin ahala, Ertzaintzaren presentzia handituz joan zen. Polizia eraikinaren garajetik sartu zen atarira, eta hara sartu ziren protestan zebiltzanak ere. Orduantxe gertatu ziren manifestarien eta ertzainen arteko istiluak. Hustutako etxea Caixabank bankuaren jabetzakoa da. Bertako bizilagunak Bilboko Kontseilu Sozialistari azaldu zionez, etxea «desjabetzen» ari zitzaion bankuari, «aurreko bost urteetan hutsik» egon zelako.
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
