Albistea entzun

EH Bilduren pausoa gutxiesten

EAJk egotzi dio «doan» eman diotela babesa PSOEren gobernuari, sostengua «oparitu» dutela. «Eragiten» segitu nahi du EAJk
Iñigo Urkullu Jaurlaritzako lehendakaria, atzo, legebiltzarrean.
Iñigo Urkullu Jaurlaritzako lehendakaria, atzo, legebiltzarrean. DAVID AGUILAR / EFE Tamaina handiagoan ikusi

Enekoitz Esnaola -

2019ko apirilak 6

Historikoki, EAJ izan da Espainiako Gobernuaren jardunean eragiteko aukera eduki eta hautua egin izan duen euskal talde abertzalea, baina EH Bilduk ere hasi nahi du rol hori jokatzen; «erabakigarria» izan nahi du, ERCrekin aliantza eginda, eta horren lehen seinalea izan da asteon PSOEren gobernuaren sei errege dekretu onartzeko Diputazio Iraunkorrean emandako botoa. Jeltzaleen goi karguak EH Bilduren pauso berria gutxiestera eta kritikatzera atera dira. «Ezker abertzaleak beti esan du EAJk bere burua saltzen zuela Madrilen plater bete dilistaren truke. Haiek, asteazkenean, hori ere ez; dilistak ere ez», esan du Andoni Ortuzar EAJren EBBko presidenteak, eta erantsi jeltzaleek, dekretuen alde bozkatzeaz gain, EAEk 1979ko estatutuko beste lau eskumen izateko konpromisoa atera diotela gobernuari. Ortuzarren arabera, EH Bilduk «doan» eman dio babesa.

Iñigo Urkullu Eusko Jaurlaritzako lehendakariak EH Bilduri leporatu dio Espainiako Gobernuari sostengua «oparitzea», eta aldiz Jaurlaritzak herritarrek bizi baldintza «duineak» izateko proposatutako neurrien kontra egotea. «Han bai, hemen ez», adierazi du; «kanpoan uso, etxean otso». Urkulluk azaldu du bera lehendakaritzan dagoenetik EH Bilduk sekula ez duela babestu bere gobernuaren «ahalegin kolektiboa». 2013tik, EAJk EAEren «egonkortasunerako» hitzarmena sinatuta dauka PSE-EErekin, eta, duela lau urtetik, bi alderdiak elkarrekin gobernatzen dabiltza erkidegoko instituzio nagusietan.

Mikel Legarda EAJko diputatu eta Kongresurako apirileko bozetarako Arabako hautagaiak laudatu egin ditu bere alderdiak «Euskadiren onurarako» dauzkan «serietatea eta negoziatzeko gaitasuna», eta espero du Madrilen «eragiten» jarraituko dutela.

Iñarritu, eskubide eske

Jon Iñarritu EH Bilduren Gipuzkoako hautagaiak esan du lan egingo dutela PPk, Ciudadanosek eta Voxek osatutako hiruko eskuindarrak gobernua ez hartzeko, orain lau urte PPk Gasteizko alkatetza ez hartzeko egin zuten bezala, baina «eskubide sozialak eta nazionalak» eskatuko dituztela PSOErekin «akordioa» lortzeko. «EAJk esaten zuen ez garela erabakigarriak Madrilen. Bagara». ERCrekin aliantza erdietsi izana ere nabarmendu du.

Iñarrituk alderdi jeltzaleari proposatu dio batera lan egitea «euskal agendaren alde» Espainiako Estatuan eta Europan. «EAJ oker dabil uste badu EH Bildu dela bere aurkaria Madrilen», nabarmendu du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Gregorio Eskuderoren aldeko manifestazioa, gaur, Orion. ©Gorka Rubio / FOKU

Gregorio Eskudero 70 urteko presoa Euskal Herriratzeko eskatu dute Orion

Berria

Eskuderori hirugarren gradua ezartzeko ere eskatu du Sarek. Orain, Dueñaseko (Espainia) kartzelan dago preso, lehen graduan.

Plaza Hutsan 350 lagun baino gehiago elkartu dira. ©SORTU

«Herrigintza aro berri bat pizteko oinarria» jarri du Sortuk Burlatan

Mikel Elkoroberezibar Beloki

Plaza Hutsa bete dute 350 lagunek baino gehiagok, herrigintzaren eta estrategia independentistaren arteko lotura sakontzeko helburuarekin.

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...