JIRA

Marie Kondo

Angel Erro -

2019ko urtarrilak 20
Karlos Cidek esanda (agian ez zuzenean niri), badakit L-Kan pop talde madrildarraren neska kantaria euskara ikasten ibilitakoa dela. Lehenagotik miresten nuen, gutxienez «Estoy aburrida de estar tan salida» kanta (agian ez zuzenean niri) atera zutenetik.

L-Kan pop taldeak abestuta, badakit Marie Kondoren berri, duela pare bat urte kanta bat eskaini ziotelako orain puri-purian dagoen «txukunlari» edo «antolatzaile» japoniarrari. Metodo bat asmatu omen du Marie Kondok, etxeko puskak txukun gordetzeko. Ordenaren profeta berria da eta bere irakaskizunak Netflixen bidez hedatzen dira. Nolabaiteko oihartzuna hartu du haietako batek: etxean hogeita hamar liburutik gora ez edukitzekoa. Esan gabe doa jende askok espantu franko egin dituela. Jakin nahiko nuke apalategietan zenbat liburu dituzten haiek, eta zeintzuk. Orain gutxi John Watersen aholku bat asko zabaldu zen: «Norbaiten etxera joan eta libururik ez duela ikusten baduzu, hanka egin larrurik jo gabe». Suposatzen dut i-book-ik ere ez daukala egiaztatu eta gero, badaezpada. Edo liburutegiaren txartelik.

Hogeita hamarrok irakurrita (Dantek ez zituen askoz gehiago edukiko) nahiago nik, ehunka baino apaingai eta harrogarri.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna