Noiz sortua: 2020-05-22 00:30:00

Pilar Garridok «ezkerreko hiruko bat» du helburu

EAEko Ahal Dugu-ko idazkari nagusi izateko hautagaiaren ustez, bere alderdia da EH Bilduren eta PSE-EEren artean akordioak lortzeko «zubia»
Pilar Garrido EAEko Ahal Dugu-ko idazkari nagusia izateko hautagaia, iazko apirilean, Donostian.
Pilar Garrido EAEko Ahal Dugu-ko idazkari nagusia izateko hautagaia, iazko apirilean, Donostian. JAGOBA MANTEROLA / FOKU Tamaina handiagoan ikusi

Igor Susaeta -

2020ko maiatzak 22

EAEn «gobernu aldaketa bat» ahalbidetu ahal izateko, «ezkerreko hiruko» baten bueltan «bildu» beharko lukete Ahal Dugu-k, EH Bilduk eta PSE-EEk: hori uste du Pilar Garrido alderdi morearen EAEko adarraren idazkari nagusi izateko hautagaiak, eta, hain zuzen, bat egite hori izango du helburu. Hautagaitza aurkeztu zuen atzo, baina ez zuen jakinarazi zeintzuek osatuko duten 20ko zerrenda. Miren Gorrotxategi Elkarrekin Podemosen lehendakarigaia izango da horietako bat —«protagonista» izango dela adierazi zuen hautagaiak—, eta Gorrotxategik berak, hain zuzen, Garridok planteatutako helburu bera plazaratu izan du.

Bideokonferentziaz egindako agerraldian azaldu zuenez, erronka nagusia izango da «herri batasuneko benetako mugimendu bat» eraikitzea, «eredu alternatibo» batekin. Haren arabera, mugimendu horrek «gizarte zibil antolatuarekin» erlazionatuta egon beharko luke.

Kongresuan ikusitakoa

Garridori iruditzen zaio helburu horiek lortzeko ahaleginean Ahal Dugu dela EH Bilduren eta PSE-EEren arteko akordioak lortzeko «zubia». Gogoratu du hori agerian geratu zela herenegun, «berriro», Madrilen, PSOEk, UP Unidas Podemosek eta koalizio independentistak lan erreforma indargabetzea adostu zutelako. «Unidas Podemos egongo ez balitz, itun horiek nekez egingo ziren. Argi dago gai dela bere bazkide sozialistaren eta EH Bilduren artean akordioak ehuntzeko».

Alderdiaren zuzendaritzan ahalik eta sektore gehien bildu nahi ditu Garridok, baina Lander Martinez aurreko idazkari nagusiaren taldekoak —dimisioa eman zuen otsailean— ez dira zuzendaritzan egotekoak. Maiatzaren 28ra arte dago irekita hautagaitzak aurkezteko epea, baina, hautagai independenteren bat primarioetara aurkeztuta ere, Garridorena izango da irabazteko aukerak edukiko dituen bakarra.

Hurrengo idazkari nagusia aukeratzeko bideokonferetzia bidezko kanpaina ekainaren 9tik 17ra egitekoa da; militanteak ekainaren 12tik 17ra dira telematikoki bozkatzekoak, eta, ondo bidean, ekainaren 19an argitaratuko dituzte emaitzak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bost pertsona hil dira COVID-19 gaitzaren eraginez, hamabi positibo atzeman dituzte PCR probekin, eta hiru gaixo ospitaleratu dituzte. Euskal Herrian 29.287 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Iñigo Urkullu eta Nekane Murga, goizeko bileran. ©/ Irekia

Ekainaren 8an hirugarren fasera igarotzeko eskatuko du bihar Jaurlaritzak

Jon O. Urain

Nafarroako Gobernuak «oso balorazio positiboa» egin du erkidegoek konfinamendua leuntzeko hirugarren fasea kudeatzeko aukeraz.

Aitor Esteban eta Salvador Illa, Kongresuan. / ©Ballesteros, EFE

Erkidegoek kudeatuko dute hirugarren fasea

Jon Ordoñez Garmendia

Alarma egoera luzatzeko akordioa egin dute Espainiako Gobernuak eta EAJk, eta horren truke Urkulluk eta Txibitek hartu, kendu, moldatu eta ezarriko dituzte alarma egoeratik ateratzeko neurriak hirugarren fasean Hego Euskal Herrian. ERCrekin ere egin du akordioa Madrilek. Jaurlaritzak bihar eskatuko du ekainaren 8an hirugarren fasean sartzea.

 ©BERRIA

Kulturgintza: eutsi ala hautsi

Iñigo Astiz

Koronabirusaren hedapenak ziurgabetasun handia eragin du aurrez ere prekaritateak gogor jotako sektore batean: kulturgintzan. Sorkuntza ere krisi honi aurre egiteko moduan dagoen jakiteko, lau sortzaile elkarteren zuzendaritzako kideak bildu ditu BERRIAk: Eneritz Artetxe (Ehaze), Garbiñe Ubeda (Euskal Idazleen Elkartea), Aitor Bengoetxea (Musika Bulegoa) eta Igor Elortza (Euskal Herriko Bertsozale Elkartea).

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna