Noiz sortua: 2020-02-09 00:30:00

'Zutik Euskal Herria' ebazpenaren 10. urteurrena. Ezker abertzalearen eztabaida

«Indar harreman berri bat ireki da estatuei begira»

Rufi Etxeberriak esan du aurrerapauso garrantzitsuak gertatu direla estrategia aldatu zutenetik, eta baikor azaldu da etorkizunera begira.

Enekoitz Esnaola -

2020ko otsailak 9

Ezker abertzalearen estrategia aldaketaren balantze ona egin du Rufi Etxeberriak; esan du Zutik Euskal Herria-n ezarri zituzten hainbat ardatzetan aurrera egin dutela: antolakunde berri eta legezkoa; Ipar Euskal Herriaren onarpen instituzionala eta entitate bat; gataz karen ondorioak —«batzuk konpondu dira, beste batzuk ez»—…; «eta egoera berriak ireki dira: erabakitzeko eskubidearen aldeko dinamikak, gatazkaren ondorioak ixteko aliantzak…». Era berean, uste du elkarbizitzan aurrerapauso handia izan dela eta eragotzi dutela kontakizunaren batailan-eta ezker abertzalea zokoratzea. Etxeberriak dio ezker independentista egonkortua eta kohesionatua dagoela, eta orain egoera hori egongo zenik ezin zela ziurtzat jo estrategia aldatu aurretik.

Azkeneko hamar urte hauetan Espainiako Estatuan lurralde krisia sakondu egin dela adierazi du, Kataluniako prozesu independentista nabarmenduta. Hor ere ikusten du Etxeberriak ezker abertzalearen ziklo aldaketaren eragina, «baldintzak sortzen lagundu egin baitu; bidea erraztu du».

Aurrera begira, batetik, euskal presoen auzia konpontzea premia bat dela dio Etxeberriak. «Aukera leiho bat ireki da Espainiako gobernu berriarekin. Herri honetan badago gehiengo sozial, sindikal eta politiko bat presoena konpondu nahi duena, eta bitarteko guztiak jarri beharko dira». Oraindik ia 250 euskal preso daude. Bestetik, aitortu du Euskal Herrian «oraindik» ez dagoela nahikoa gorputz herri gisa prozesu independentista bat egiteko, «ez dago-eta aliantza nahikorik». Egoera berriak eraikitzearen alde mintzatu da, eta aipatu du Kataluniarekin egin ahal dela aliantza bat. «Prozesu subiranista indartuko luke gurean».

Nahiz eta iritzi dion Madrilek ez duela nahi «marko demokratiko bat», Etxeberria baikor agertu da geroari begira. «Garrantzitsuena da hamar urteotan bi estatuei begira indar harreman berri bat ireki dela Euskal Herrian, herri gisa urrats hori eman dela. Politikoki hamarraldi bat ez da aro luzea, baina aldi honetan aurrerapenak izan dira. Garai berri batean gaude burujabetzara begira; egoera hobean dago Euskal Herria».

----

BERRIAren Harian-eko beste edukiak:

Paradigma berri bat helburu bererako

Altsasukoa, nahikoa

Isiltzen hasteko, isilpean aurrenik

Mahai ingurua: Ainhoa Etxaide, Iosu Lizarralde eta Ion Ansa

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna