Albistea entzun

Gazte Langileon Elkargunea

Naroa Aranburu Barandiaran - GKS

2022ko abenduak 1

Urriaren hasieran Gazte Langileontzako Proposamen Politikoa aurkeztu genuen GKStik, gazte langileok pairatzen ditugun problematiken aurrean aldarrikapen zehatzak mahaigaineratuz. Bide horretan, Euskal Herri osoan ekintza ugari egin ditugu hilabete hauetan zehar: aurkezpenak zein martxan jarritako dinamika eta salaketa ezberdinak dira horren adibide. Kontrol soziala, gazteon lan baldintza prekarioak, etxebizitza problematika eta bestelako auziak borrokatzen ibili gara. Orain, Gazte Langileon Elkargune nazionala antolatu dugu, abenduaren 3an Ordizian egingo duguna. Bertan, gazte langileon arazo ezberdinei aurre egiteko zenbait hipotesi politiko eztabaidatuko ditugu eta Euskal Herri osoko gazte ugari bilduko dituen erreferentziazko elkargunea izatea nahi dugu.

Goizean egingo ditugun hitzaldietan lau auzi nagusi izango ditugu hizpide. Batetik, eskubide politikoen etengabeko murrizketa gertatzen ari den testuinguru honetan (kode zibilaren gogortzea, faxismoaren gorakada, kontrol sozialaren eta polizia-baliabideen gorakada...), eskubide politikoen aldeko borrokaren inguruko gako eta hipotesi politikoak mahaigaineratuko ditugu. Eskubideen ulerkera formal batetik haratago, bide-orri sozialistaren baitako borroka garrantzitsu bezala azalduko dugu auzi hau.

Bestetik, gazteoi bideratutako kultur-industriari dagokionez, hegemonikoak diren joera kulturalak eta musika estiloak aztertuko ditugu. Belaunaldien arteko haustura kulturalaz eta arte sozialista baterako hipotesiez ere ariko gara, besteak beste.

Horrez gain, gazte langileontzako espazio politiko propioak hizpide izango ditugu. Izan ere, gazte langileok aktibo politiko bihurtu eta sozialismoaren eraikuntzari ekarpena egin behar diogu. Baina, bide horretan, gazteontzako espazio propioak ere behar ditugu, dena delako aktibitate politiko, sozial eta kulturala burutzeko. Gazte langileontzako espazio horien izaeraz jardungo dugu.

Azkenik, bizi bitartekoen inguruko borroka integralaz ere arituko gara. Izan ere, soldataren dinamika konplexua lanpostutik harago doa eta langileriaren erreprodukziorako beharrezkoak diren beste hainbat baliabide eta esparru ere ukitzen ditu: osasungintza, etxebizitza, elikadura... Esparru horietako borrokez hitz egingo dugu, guztiek batasun estrategiko bati erantzutearen beharraz eta gazte langileok bertan egin dezakegun ekarpenaz.

Urrian aurkeztu genuen Gazte Langileontzako Proposamen Politikoa eta abendurako antolatu dugun Elkargunea norabide berean kokatzen ditugu: bizi dugun enpresari handien eta politikari profesionalen ofentsibaren aurrean, gazte langileon artean sozialismoaren aldeko indarra berrantolatzen eta zabaltzen joateko bitartekoak dira. Gazte antolakunde bezala, gazte belaunaldiok sozialismoarekin lerrokatzeko proposamen eta ekimen desberdinak antolatzen jarraituko dugu. Horretarako, ezinbestekoa iruditzen zaigu sozialismoaren printzipioak egunerokotasunean bizi ditugun arazoekin erlazionatzea, Elkargune honetan egiten saiatuko garen bezala. Gainera, hitzaldiez gain, egun osoko egitarau zabala ere antolatu dugu: bazkari eta musika eskaintzek osatuko dutena.

Abenduaren 3a izanik, euskararen aldeko zenbait aldarrikapen egiteko tartea ere hartuko dugu. Izan ere, euskararen egoeraz jakitun, euskaraz bizitzeko zein euskararen garapenerako baldintza askeak borrokatu behar ditugu eta, bide horretan, Euskal Estatu Sozialistaren aldarrikapena zabaltzen jarraituko dugu.

Bukatzeko, gazte langileon tresna politikoa garen heinean, hemendik aurrera ere orain arteko jardun politikoarekin jarraituko dugu; izan ere, bizi dugun krisi eta ofentsiba testuinguru honetan, modu independentean antolatzeko bitartekoak behar-beharrezkoak dira. Horrez gain, gizarte burgesak inposatzen dizkigun balioen aurrean (sumisioa, despolitizazioa, matxismoa...), militantzia komunistaren eredua eta balioak (kontzientzia politikoa, antolatzeko eta borrokatzeko grina, injustiziei aurre egiteko jarrera...) hedatzen jarraituko dugu gazte langileon artean, berau baita sozialismoa garatzeko beharrezko baldintza.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.