Albistea entzun

HIZPIDEAK

Eustaten, leitzarrak melillarren pare

Martxelo Otamendi Egiguren -

2022ko abuztuak 23

(Tituluan, leku faltagatik, 'leitzarrak' irakurtzen den lekuan irakur bedi 'ipar euskal herritarrak' ere)

Araba, Bizkai eta Gipuzkoako hoteletan uztailean egon diren bisitarien kopurua eman zuen atzo Eustatek, Eusko Jaurlaritzaren estatistika erakundeak. Iaz baino askoz erabiltzaile gehiago izan dira, 2019ko datuak gainditzeraino. Txosteneko datu interesgarrien azterketa —hotelen prezioak, besteak beste— beste baterako utzita, etsigarria da beste behin ikustea Eustatek Nafarroako bisitariak «Estatuko beste bisitariak» eta Ipar Euskal Herrikoak «Atzerriko bisitariak» sailetan urtzen (ezkutatzen, gutxiesten, zokoratzen...) dituela. Estatistika erakundeak ezin izango du argudiatu eskuraezinak zaizkiola datu horiek, erreserba egiteko orduan eman behar direlako.

Ulergarria da Eustatek ez biltzea bere txostenetan Volkswagenen Iruñeko lantegian zenbat auto egiten diren, edo zenbat bidaiarik erabiltzen duten aldiriko trena Ipar Euskal Herrian.

Seguru, turismo kanpaina batzuk diseinatzeko orduan, Eusko Jaurlaritzak kontuan edukiko dituela beste euskal herrietako bisitarien datuak.

Zergatik ez publiko egin?

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.