Albistea entzun

Ekainaren 5ean kalejira «aldarrikatzailea» egingo da eskola publikoaren alde

Euskal Eskola Publikoaz Harro plataformak «irakurketa ezkorra» egin du hezkuntza akordioaren inguruan, eta salatu dute ez dituztela lehentasuntzat
Euskal Eskola Publikoaz Harro topagunearen agerraldia, atzo.
Euskal Eskola Publikoaz Harro topagunearen agerraldia, atzo. RAUL BOGAJO / FOKU Tamaina handiagoan ikusi

Olatz Enzunza Mallona -

2022ko maiatzak 25 - Bilbo

Hilabete eta erdi igaro da Eusko Legebiltzarrak hezkuntza akordioa onartu zuenetik, eta, ordutik, EAEko Hezkuntza Legearen egitasmoa ontzen ari da Eusko Jaurlaritza. Testu horrekiko kritiko agertu da Euskal Eskola Publikoaz Harro Topagunea, eta haren inguruko «irakurketa ezkorra» egin du: «Akordioak ez du jasotzen eskola publikoa hezkuntza sistemaren lehentasuna izatearen beharra». Eskola publikoaren aldeko protestara deitu dute, eta, ekainaren 5ean Bastidan (Araba) izango den Euskal Eskola Publikoaren jaian, kalejira «aldarrikatzailea» egingo dute.

Hezkuntza akordioa ikastetxe publikoaren kontzeptua «birdefinitzen» saiatzen dela adierazi du plataformak, eta hala jarraitzeak «desoreka eta diskriminazio handiagoa» ekarriko duela uste dute: «Jabetza, titulartasuna eta kudeaketa pribatua duten ikastetxeak ezin dira publikotzat hartu: diru publikoa guztion zerbitzura jarri behar da». Plataformaren esanetan, bereizketa horrek lotura zuzena du hezkuntza sare pribatu itunpekoak Euskal Herrian duen pisuarekin, eta esan dute segregazio iturririk handiena izango direla aurrerantzean ere: «Benetako aukera berdintasuna ikasle guztiek kalitatezko hezkuntza jasotzeko aukera izatean datza».

Akordioak eskola publikoarentzako finantzaketa planik ez duela aurreikusten ere salatu du plataformak, eta inbertsio plana egitearen garrantzia azpimarratu dute. Besteak beste, ikastetxe publiko berriak sortzeko, azpiegiturak hobetzeko, euskara indartzeko plana egiteko eta hezkuntza ez-formala doakoa izateko. «Horri eman behar zaio lehentasuna», nabarmendu dute. Horrez gain, eskola eta plaza publiko berriak ere sortu nahi dituzte.

Derrigorrezko Bigarren Hezkuntzaren amaieran lortu beharreko hizkuntza mailaren formulazioa ere gaurkotu da akordioan, baina esan dute erabaki hori «oso kaltegarria» izan daitekeela euskararen ezagutzarako: «Euskara biziberritzeko proiektua aldarrikatzen dugu». Laikotasunari dagokionez, erlijio ikasgaiaren helburua «doktrinamendua» dela salatu dute.

Zenbait mobilizazio

«Akordio txar honetatik lege berri on batera igaro behar da», adierazi du plataformak. Hori lortzeko «lan mardula» egin beharko dutela aurreratu dute, baina horren alde ekiteko prest daude. Ekainaren 5erako kalejiraz gain, udazkenerako zenbait mobilizazio ere antolatuko dituztela iragarri dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Guillaume Fauveau

Antton Kurutxarri. «Aski indarrik ez dugu egin beharrekoa egiteko»

Olatz Silva Rodrigo

Euskararen Erakunde Publikoak irakaskuntzara bideratzen du indarraren zati handi bat. Lehendakariaren ustez, beste arlo batzuk jorratu beharko lituzkete.

Donostia ospitalea, artxiboko irudi batean. ©Andoni Canellada / Foku

Osakidetzako krisia areagotu du beste bi arduradunen dimisioak

Ion Orzaiz- Paulo Ostolaza

Adolfo Begiristain eta Maite Martinez dira, Donostia ospitaleko kirurgia zerbitzuko zuzendariordea eta mediku zuzendariordea, hurrenez hurren.

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.