Albistea entzun

Mikel Saenz de Buruaga. Hala Bedi irratiko kazetaria

«Hala Bediren eta herri mugimenduen kontrako eraso zuzena da isuna»

Eusko Jaurlaritzak 'mozal legea' isilpean ezarri nahi duela salatu du Buruagak, eta auzitara jotzea erabaki du. «Desobeditu egingo dugu: ez dugu isunik ordainduko». Eusko Legebiltzarrean izango da gaur.
JAIZKI FONTANEDA / @FOKU Tamaina handiagoan ikusi

Aitor Biain -

2018ko apirilak 25 - Gasteiz

Ia urtebeteko prozedura administratiboaren ondoren, 602 euroko isuna berretsi dio Eusko Jaurlaritzak Mikel Saenz de Buruagari (Gasteiz, 1989), Hala Bedi irratiko kazetariari. 2016ko maiatzaren 18an Errekaleorren izandako gertakarien berri ematen ari zela zigortu zuten, mozal legea ezarrita.

Auzitara jotzea erabaki duzu orain. Zergatik?

Bide administratibo eta judizial guztiak agortu nahi ditugu. Hurrengo pausoa administrazioarekiko auzi errekurtsoa jartzea izango da: epaile batek ebatzi beharko du isuna bidezkoa den ala ez. Datozen asteetan jarriko dugu errekurtso hori. Bide guztiak agortzea da gure asmoa, eta honi guztiari proiekzio publiko zabal bat ematea. Izan ere, isilpean aplikatu nahi du Eusko Jaurlaritzak mozal legea, epaiketarik gabe, eta zarata handirik egin gabe. Guk kontrakoa nahi dugu, ordea.

Prozedura administratiboa kritikatu duzu: «babesgabetasun egoeran» utzi zaituztela diozu.

Ertzaintzaren bertsioa gailendu da ororen gainetik legearen 52. artikuluaren bidez. Artikulu horren arabera, bertsio polizialak sinesgarritasun osoa dauka. Froga guztiak ukatu dizkigute guri: ikus-entzunezko dokumentuak, audioak, argazkiak, lekukoen adierazpenak, egun hartan sare sozialetan eta irratian egindako lan guztia... Gertakarien egunean ez ziguten ezer jakinarazi, eta bi hilabete geroago jaso genuen isuna. Egindako lan informatiboaren mendekua da isuna.

Testuinguru zabalago baten barruan ulertu behar da isuna?

Hala ulertu genuen hasieratik. Nik kazetaritza lan bat egin nuen Hala Bedirentzat, eta lan horregatik zigortu gaituzte, bai ni eta baita hedabidea ere. Ez da kasu bakan bat: Hala Bediren eta herri mugimenduen kontrako eraso zuzena da isuna. Disidentzia sozial, politiko eta komunikatibo guztien kontra egiten dute eraso; eskubide zibilen kontrakoa da.

Hain zuzen, Euskal Kazetarien Elkarteak eta Kazetarien Euskal Elkargoak babesa adierazi dizue.

Herri mugimenduetatik eta beste hainbat hedabidetatik ere jaso dugu. Aipatzekoa da, horrez gain, PDLI Informazio Askatasunaren Aldeko Elkarteak Espainiako arartekoari igorritako kexua ere. Bertan adierazten du, besteak beste, ez dela berria kazetarien kontrako jazarpena, eta mozal legearen artikulu batzuk baliatzen ari direla desobedientzia edo erresistentzia delituekin zigortzeko, hau da, beste modu batera zigortu ezin dituzten kazetaritza jardunak zigortzeko.

Epaiketari dagokionez, zer espero duzue?

Irregulartasun asko izan dira prozesu administratiboan: jakinarazpenak bidaltzeko orduan, izena gaizki agertzen da, zenbait agiri ere ez ditugu jaso... Legeak prozesu osoa baldintzatzen du. Epaiketari begira, ez daukagu itxaropen handirik. Seguruenik, epaileak Ertzaintzari eta Eusko Jaurlaritzari emango die arrazoi. Horregatik, salatu nahi duguna da legea bera bidegabea dela.

Epaileak isuna berretsiz gero, zer egingo duzue?

Hala gertatzen bada, desobeditu egingo dugu: ez dugu isunik ordainduko. Uste dugu eskubidea daukagula bidegabeak diren legeei desobeditzeko. Argi daukagu poliziaren azpijoko bat izan dela eta hemen urratzen ari dena informazio askatasuna dela. Beraz, eskubideak urratzen diren bitartean, desobeditzen jarraituko dugu. Amaieraraino eramango dugu borroka hau.

Mozal legea ez aplikatzea adostu zuten PPk ez beste alderdi guztiek Eusko Legebiltzarrean. Segurtasun Batzordean izango zara gaur. Zer azalduko duzu?

Gurekin batera, Eleak mugimendua eta Kaleratzeak Stop plataforma ere izango dira. 2016an Eusko Legebiltzarrak hartu zuen konpromiso hura betetzeko eskatuko dugu, eta, horrez gain, Eusko Jaurlaritzaren jarrera salatuko dugu, azken bi urte hauetan 8.000 alditan baino gehiagotan aplikatu baita legea; beraz, Jaurlaritza konplizea da: esaten badu ere ez duela legea aplikatuko, aplikatzen jarraitzen du isilean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzaren auto bat, artxiboko irudi batean. ©MONIKA DEL VALLE / FOKU

Santurtzin hilik topatutako adingabe baten heriotza ikertzen ari da Ertzaintza

Jon O. Urain

Ostiralean zerraldo topatu zuten senideek. Ertzaintzak baieztatu du gorpuak kolpeak zituela eta litekeena dela horien ondorioz hil izana
 ©Andoni Lubaki / Foku

Suak zerua ilundu zuenekoa

Edurne Elizondo - Nafarroako Hitza

Suteek hagitz gogor jo dute Nafarroa, eta 14.500 hektarea inguru utzi dituzte kiskalita. San Martin Unx da suak inguratutako herrietako bat. Etxerik ez dute galdu, baina izua bazter uztea ez da erraza izaten ari herriko biztanleentzat. Suhiltzaileek, berriz, baliabiderik eza salatu dute.

Eva Isturiz, Nafarroako Berdintasun Institutuko zuzendaria, Iruñeko Sarasate pasealekuan. ©Idoia Zabaleta, FOKU

«Sexu erasoetan, biktimak bere buruari egotzi ohi dio errua»

Uxue Rey Gorraiz - Nafarroako Hitza

Festetako sexu erasoen kontrako aurtengo kanpaina aurkeztu du berriki Nafarroako Berdintasun Institutuak, Berridatz ditzagun jaiak lelopean. Erasoen gaineko aurreiritziak hautsi beharra nabarmendu du erakunde horretako zuzendari Eva Isturizek.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...