INGURUMENA PENTSALDIAN

Ekintza politikorako garaia da

Lorea Flores - Greenpeaceko Hego Euskal Herriko koordinatzailea

2020ko uztailak 3

Bederatzi egun baino ez dira gelditzen Euskadin botoa eman ahal izateko: datorren uztailaren 12an erabakiko da datozen lau urteetan nork gobernatuko duen Euskadin. Hauteskunde hauek testuinguru historiko batean egingo dira. «Normaltasun berri» honetan, zeinetan oraindik ere koronabirusaren mehatxuarekin bizitzen ikasten ari garen, eta krisi ekonomiko berri bati aurre egin behar diogun. Eta hau dena, planetak bizi duen klima larrialdia eta biodibertsitate-krisia oraindik guztiz onartu gabe.

Hauteskunde-kanpainan zehar, alderdi gehienak osasun krisiaren irteeran eta honen ondorio okerrenak arintzeko ezarriko dituzten gizarte eta ekonomia arloko neurrietan jartzen ari dira atentzioa. Hala ere, badirudi askok ahantzi egiten dutela irtenbide hori justizia sozialetik eta klimatikotik egin behar dela; izan ere, NBEko Klima Aldaketari buruzko Gobernu arteko Taldearen (IPCC) arabera, hamarkada bat besterik ez zaigu geratzen klima-aldaketaren ondorio okerrenak saihesteko. Eusko Jaurlaritzak orain arte hartutako neurriak, ordea, ez doaz, inolaz ere, beharko luketen ildotik, automobil kutsatzaileak erosteko Renove planekin, konpainia handien interesen aurrean amore emanez eta guztion onaz ahaztuz. EAEko paisaian kolore nagusia berdea den arren, kolore horren presentzia nahiko eskasa da bertako politiketan.

Hori dela eta, Greenpeacetik funtsezkoa iruditzen zaigu alderdi nagusiek hauteskundeetako aukera hau pertsonak eta planeta politika guztien erdigunean jartzeko baliatzea. Horretarako, gaur egungo sistema ikuspegi ekosozialetik aldatzeko zenbait neurri proposatu dizkiegu: energia-ereduan aldaketa bultzatzea, ekoizpen eta kontsumo iraunkorreko sistema bat sustatzea, biodibertsitatea gure biziraupenerako giltzarri bezala finkatzea, gure hiri eta herrietako bizitza hobetzea eta fiskalitate berdean aurrera egitea.

Bertzeak bertze, hauek azpimarratu nahi ditugu: klima aldaketaren eta energia trantsizioaren asmo handiko euskal legea; Petronorren findegiaren itxieraren plangintza eta Muskizko koke instalazioa eraistea; garraio-arloko neurriak, Supersur errepidearen obrak geldiaraztea eta egungo trenbide-sarea hobetzea azpiegitura handi berriak bultzatu gabe; eta hondakinen kudeaketa eta legeria aldatzea, erraustegi eta zabortegietan oinarritutako egungo ereduarekin amaitzeko. Izan ere, Zaldibarko zabortegian gertatzen ari dena hondakinak kudeatzeko sistemaren porrotaren icebergaren punta baino ez da.

Euskal gizartearen oraina eta geroa datorren uztailaren 12an hautatuko diren pertsonen esku egonen da neurri handi batean. Hurrengo legegintzaldiko lau urteak funtsezkoak dira gure etorkizuna zein izanen den zehazteko. Denbora gutxi dugu benetako neurriak hartzeko, klima aldaketaren eta biodibertsitate galeraren ondorio okerrenak saihesteko. Erabakitzeko unea orain da. Ekintza politikorako garaia da. Bada garaia gure eta planetaren osasunaren alde bozkatzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Athleticeko sei jokalarik positibo eman dute

Berria

PCR probak egin dizkiete futbol jokalariei eta klubetako langileei. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio konponbide bat emateko lehen arretako zentroen egoerari

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna