Noiz sortua: 2017-12-03 00:30:00

HITZ ETZANAK

Neureartekoa

Andoni Egaña -

2017ko abenduak 3
Nazioarteko erantsia darama Euskararen Egunak eta hala beharko du. Nik bestela ere bizi dut. Neurearteko hizkuntza dela esango nuke. Inoiz, inguruan euskaldunik gabe egun batzuk eman izan ditudanean, jabetu izan naiz ez dudala euskararen faltarik sumatu. Ni han banago, euskaraz egiten dut egunean ehuneko handi samarrean. Izugarri hitz egiten baitugu geure buruarekin egunean, eta gauean, zehar.

Badakit hizkuntzak elkarrekin komunikatzeko tresna direla. Badakit geure baitara mugatuz gero hizkuntza agortu eta hil egingo litzatekeela. Baina Aznarrek katalana eta intimitatea lotu zituen hartan, zertaz ari zen arrastorik izan gabe (espainiarrek joera baitute pentsatzekoa guztiok jaiotzen garela gazteleraren jabe ahalmen eta agindu dibinoz edo) pista ona eman zigun. Intimitatean zurkaizten da kolektiboaren indarra. Neurearteko beharko du nazioarteko izango bada.

Ikasi nuen gazteleraz. Egin ere egin dut askotan. Askotan beharturik; hobetsita zenbait aldiz. Baina neure buruari ez diot inoiz erdaraz egin. Horregatik miresten ditut hainbeste ahalegindu, ikasi, jardun… eta egun batean krak!, eteteko gai direnak, euren baitarako «qué bien estoy» esatetik «ederki nago ba!» esatera jauzi egin dutenak. Bejondeiela!

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna