Udal eta foru hauteskundeak. Araba

Gasteiz «kirolaren hiri» izatearen alde lan egingo duela esan du EAJk

Urtaranek lehentasunen artean kokatu du «kirol instalazioak hobetzea», «kirol turismoa sustatzea» eta «oinarrizko kirolari» bultzada ematea
Ramiro Gonzalez eta Gorka Urtaran hautagai jeltzaleak, atzo, Gasteizen.
Ramiro Gonzalez eta Gorka Urtaran hautagai jeltzaleak, atzo, Gasteizen. BERRIA

Jon O. Urain -

2019ko maiatzak 19
Gasteiz «kirolaren hiri» bilakatu nahi dutela adierazi zuten atzo Ramiro Gonzalez EAJko Arabako ahaldungai nagusiak eta Gorka Urtaran hiriburuko alkategai jeltzaleak. Horretarako, lau ardatz proposatu dituzte datorren legealdiari begira: kirol instalazioak «hobetzea», «talentua» garatzea kirol medikuntzan, ikerkuntzan eta prestakuntzan, kirol ekitaldiak antolatzea, eta «oinarrizko eta pertsona guztientzako kirola» sustatzea.

Urtaranek adierazi du «sostengu sendoa» emango diola Mendizorrotza estadioa eraberritzeari: «Badaukagu finantzaketa konpromisoa, udalak, aldundiak eta Eusko Jaurlaritzak sinatua, udalekoa izaten jarraituko duen estadioa eraberritzeko premiari erantzuna emateko».

Hain justu, Gasteizen saskibaloiko Euroligako Lauko Finala jokatzen ari diren asteburuan izan du EAJk hizpide kirola, eta, testuinguru horretan, Gonzalezek azpimarratu du Arabak «asmo handiko kirol gertakizunei leku emateko moduko azpiegitura handi eta modernoak» behar dituela. Izan ere, Araba «[Espainiako] Estatuko eta Europako kirol zelai onenen artean» kokatu nahi dute, herrialdeak «osagai guztiak» dituela iritzita: «Talde bat futboleko lehen mailan, eta saskibaloi talde bat kirol europarraren elitean».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna