Albistea entzun

Eusko Legebiltzarrerako hauteskundeak. BOZ GORA

Egonkortasun handiegia?

Iker Iraola Arretxe - EHUko irakaslea eta soziologoa

2020ko ekainak 26

Testuinguru berezian hasi da Euskal Autonomia Erkidegoko hauteskunde kanpaina. Iñigo Urkullu lehendakariak apirilera aurreratu zuen bozketa, horretarako behar handirik gabe —gogoan izan Ahal Dugu-rekin aurrekontuak aprobatzeko lortutako akordioa—. Baina ordutik hona guztia aldatu da. Lehenik, Zaldibarko zabortegiaren krisia gertatu zen —amaitu gabeko afera—; eta, ondoren, guztia txiki utzi duen pandemia iritsi zen. EAJk eta PSEk osatutako gobernuarentzat hauteskunde erosoak ziruditenak, zalantzaz bete ziren.

Baina egoera ezegonkor horrek aldaketak ekar bazitzakeen, orain arte argitaratutako inkestek aurkakoa erakutsi dute, oro har: EAJren igoera, eta PSErekin batera —azken honek ere gora eginda— gehiengo absolutua eskuratzeko aukera argia, EH Bilduren igoera apala, eta Elkarrekin Podemosen nahiz PP-Ciudadanosen jaitsierak. Inkestek marrazten duten egoera egonkorra eta sorpresarik gabekoa da: saria gobernuarentzat, eta zigor handiegirik ez inorentzat, eskuin espainiarzalearentzat ez bada. Egonkortasun handiegia, agian, hain testuinguru berezian.

Uneko egoeraz gain, ordea, komeni da hauteskundeok perspektiba apur batez begiratzea. Zer aldatu da, bada, aurreko deialdiarekiko? EAJ eroso aurkeztu zen, hauteskunde ziklo horretan zehar emaitza onak lortuta, baina gobernua eskuratzeko akordioak norekin lortu guztiz argi izan gabe. EH Bildu, bere aldetik, beheranzko fase batetik zetorren, Espainiako hauteskundeetan emaitza kaskarrak lortuta, eta Ahal Dugu-rekiko lehian larriturik. Azken horrek EAEko ezkerraren erreferente izateko ametsa zuen, EH Bildu desplazatuz, espainiar hauteskundeetan EAEn lortutako emaitza onen olatura igota. PSEk eta PPk, haien aldetik, beheranzko aurreikuspenak zituzten.

Alabaina, oraingoan egoera argitu da. EH Bilduk ez dio dagoeneko EAJri herri akordiorako proposamenik egiten; Elkarrekin Podemosek ezkerreko gobernuaren bandera haizeztatzen du, inor gutxik horretan sinets badezake ere; eta, batez ere, argi geratu da EAJren gobernu kidea PSE izango dela. Ikusi beharko da azken honek nolako kanpaina egiten duen, EAEko koalizio gobernu hau —Espainiakoa ez bezala— ezkutuan igaro baita askotan, Alderdi Sozialista bertan ez balego legez.

Momentuz, zirrara gutxirekin ekingo zaio kanpainari, beraz. Jendeak arreta osasun egoeran du jarria, edozein momentutan okerrera eginez gero, gerta daitekeena buruan. Gainera, egoera ekonomikoa larria da dagoeneko hainbat sektoretan, eta are gogorragoa aurreikusten da etorkizuna. Eta, horrez gain, uda giroa da —uda berezia izan arren—, hauteskunde batzuetarako aproposa ez den sasoia. Guztiak parte hartze apal baten alde egiten du, eta hor egon daiteke sorpresarako zirrikitua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Ertzaintza, bi gazte lurrean helduta, atzo, Bilbon. ©OSKAR MATXIN EDESA / FOKU

Ertzaintzak gutxienez zortzi lagun atxilotu ditu Ernairen protestetan

Ainhoa Larretxea Agirre - Paulo Ostolaza

'Larrialdi egoeran gaude' lelopean, mobilizazio jendetsuak egin dituzte. Gazteen egoera iraultzeko, «eraldaketa soziala» aldarrikatu dute
Ernaik deitutako manifestazioa, gaur, Gasteizen. ©Raul Bogajo / Foku

Ertzaintzak Ernaiko zortzi kide atxilotu ditu Bilbon eta Gasteizen

Ainhoa Larretxea Agirre - Paulo Ostolaza

Gazte antolakundeak mobilizazioak egin ditu Bilbon, Iruñean, Gasteizen eta Donostian. Krisia kapitalak ordaintzeko aldarrikatu dute. Bilboko manifestazioaren amaieran gazteen kontra kargatu du Ertzaintzak, eta Gasteizen ere izan dira istiluak. Atxilotuetako bat ospitaleratua izan da.

Euskal presoen eskubideen aldeko mobilizazioa Gasteizen, urtarrilaren 9an. ©Endika Portillo / Foku

Preso bat gerturatuko dute, eta biri sailkapena malgutuko diete

Jon O. Urain

Lexuri Gallastegi Almeriatik Zuerara hurbilduko dute. Gainera, Karlos Apeztegia Iruñeko kartzelatik Martutenekora eramango dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna