Albistea entzun

Katalunia

Turull, neurtzen dakien buruzagia

Gaztetatik da politikagintzan aritua Turull; atzera egitea egokitu zitzaion Masek "aurpegi berriak" eskatu zituenean; ordea, denborarekin, Puigdemonten gertuko bilakatu da.

Jordi Turull, artxiboko argazki batean. /
Jordi Turull, artxiboko argazki batean. / Jaume Sellart/EFE

Berria -

2018ko martxoak 22

"Irabaziko dugu, [Espainiako] Estatua demokratikoki gaindituko dugulako", iragarri zuen Jordi Turullek (Parets del Valles, Katalunia, 1966) iazko irailean Biltzar Nazional Katalanaren euskal adarrak Bilboko Kafe Antzokian antolatutako mahai inguruan. Erreferendumerako kanpaina betean zeuden orduan Katalunian, eta hari sostengua emateko antolatu zuten eztabaida bera ere. Bertan, Turullekin batera aritu ziren ERCko Joan Tarda, EH Bilduko Maddalen Iriarte eta EAJko Joseba Egibar.

Baina igaro zen urriaren 1a ere, eta gauzak ez ziren espero bezala irten. Turullek, Generalitateko presidentetzako kontseilari orduan, atzera egin behar izan zuen Carles Puigdemontekin batera, eta Espainiako Gobernuak ezarritako bozak onartu. Ez zen lehen jasotzen zuen lehen kolpea, ez eta jasoko zuen azkena ere.

Nerabe zela sartu zen Turull politikagintzan, Convergenciaren (CDC) eskutik, eta 24 urterekin zinegotzi aukeratu zuten. Gerora, 2006an, beste jauzi bat egin eta diputatu aukeratu zuten, eta 2013an CiUko talde parlamentarioko buru. 2014an, bera izan zen Espainiako Kongresura hitzartutako erreferendum bat egiteko proposamena aurkeztera joan zen hiru diputatuetako bat.

CiU desegin eta PDeCAT sortu zenean haren izena aipatu zen alderdia zuzentzeko. Ordea, Artur Masek aurpegi berriak nahi zituen, alderdieren inguruko ustelkeria auziak isilarazteko. Horiek hala, atzera egin zuen Turullek, Marta Pascalen mesedetan. Ordurako, Junts per Si koalizioko talde parlamentarioko buru zen, eta baita Carles Puigdemonten gertuko ere. Erreferendumerako aste batzuk falta zirela, Puigdemontek aldaketak egin zituen gobernuan hura "sendotze" aldera; Turull presidentetzarako kontseilari izendatzea izan zen horietako bat.

Prozesu osoan zehar izandako rola garesti ordaindu du, ordea. Izan ere, Espainiaren kontrako indarkeriazko matxinada baten arduradunetako bat zela argudiatuta, haren aurkako espetxeratze agindua eman zuen Auzitegi Nazionaleko epaile Carmen Lamelak 2017ko azaroan. Turullek hilabete egin zuen preso, eta abenduan atera zen aske, 100.000 euroko bermea ordainduta.

Lamelak hasitako auzibidea bere gain hartu du Goreneko epaile Pablo Llarenak, eta hari dagokio orain Turullen aurkako prozesua jarraitzea.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ebrahim Raisi Irango presidentea (eskuinean), herenegun, Teherango Unibertsitatean, Ikasle Egunaren ospakizunerako ekitaldi batean. ©EFE

Iranek herritar bat exekutatu du, hilabeteotako protestekin lotuta

Gorka Berasategi Otamendi

Estatuko indarren agente bat labanaz zauritzea egotzi diote kondenatuari. Protesten harira auzipetutakoen arteko lehen exekuzio jakinarazia da. Irango justiziak gehiago iragarri ditu

Lucian Bode Errumaniako Barne ministroa eta Margaritis Schinas Europako Batzordeko presidenteordea, gaur, Bruselan. ©OLVIER HOSLET / EFE

Kroazia Schengen eremuko kide izango da 2023an

Mikel Elkoroberezibar Beloki

Austriaren eta Herbehereen ezezko botoaren ondorioz, Bulgaria eta Errumania ez dira espazio bateratuaren barruan egongo.

Bittney Griner AEBetako saskibaloi jokalaria (ezkerrean) eta Viktor Bout arma trafikoagatik AEBetan zigortutako Errusiako teniente ohia (eskuinean). ©STR, EFE

Errusiak aske utzi du Brittney Griner, AEBek Viktor Bout libre uztearen truke

Berria

Griner saskibaloi jokalaria eta Bout arma salmentagatik AEBetan espetxeratuta zegoena Abu Dhabiko aireportu batean trukatu dituzte Moskuk eta Washingtonek.

Benjamin Netanyahu Israelgo lehen ministro ohia, herrialdeko parlamentuan, joan den azaroaren 15ean. ©ABIR SULTAN, EFE

Netanyahuk gobernua eratzeko akordioa itxi du ultrekin eta muturreko ortodoxoekin

Gorka Berasategi Otamendi

Shas eta Sionismo Erlijiosoa alderdien esku geldituko dira, besteak beste, Barne eta Ogasun ministerioak. Smotrich ultranazionalistak Zisjordaniaren gaineko botere handia pilatuko du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...