Albistea entzun

euskal presoak

David Pla euskal presoa ostegunean geratuko da aske

Egun berean harrera egingo diote Ziburun, 20:00etan. Espainiaren euroagindu eskaera bat ebatzi zain da.

David Pla.
David Pla.

Enekoitz Esnaola -

2019ko apirilak 15

David Pla (Iruñea, 1975) euskal presoa ostegun honetan utziko dute aske, zigorra beteta. Osnyko (Frantzia) espetxean dago. Ostegunean bertan Ziburun (Lapurdi) harrera bat egingo diote herritarrek, 20:00etan, herriko plazan. 2015eko irailean atxilotu zuten, Baigorrin (Nafarroa Beherea), Iratxe Sorzabalekin batera, ETAko zuzendaritzako kidetzat jota, eta pasa den otsailean epaitu zuten, Parisko Epaitegi Korrekzionalean. Bost urteko kartzela ezarri zioten Plari —Sorzabali, zazpikoa—.

Asteon libre geratuko den arren, Plaren kontra Espainiak indarrean jarritako 2011ko euroaginduaz erabaki behar dute orain. Kasu hori ebatzi arte kontrol judizialpean egongo da. 

Plak eta Sorzabalek epaiketan konponbiderako saioak nabarmendu zituzten, eta esan atxilotuak izan arte Frantziarekin eta Espainiarekin elkarrizketak abiatzen saiatu zirela. "Bake prozesu bat eraiki ahal izateko esperantzarekin lan egin dugu", zioen Plak. Testuinguru berria aintzat hartuta zigortu zituen epaileak biak.

2015eko iraileko operazioan Pantxo Flores eta Ramon Sagarzazu ere atzeman zituzten, baina bien auziak artxibatu zituen epaileak iaz.

Gaur egun 44 euskal preso daude Frantziako Estatuko espetxeetan.

2017ko urrian Plak Luhuso. ETAren armagabetze zibilaren kontakizuna libururako emandako elkarrizketa. Konponbiderako ETAren ordezkaritzako kidea zen orduan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / FOKU

«Ez genuen espero, identifikazio saioa egitea beti ukatu baitigute»

Xabier Martin

Merinok ez zuen espero, 40 urte pasatuta, segadan parte hartu zuten poliziak identifikatzeko saio batera deituko zutenik. Fisikoki aldatu arren, Merino ziur dago aurpegiez: «Haien eskuetatik pasatu garenok badakigu».

Urkulluk ukatu egin du epaiek hizkuntz politikan eragin izana

Urkulluk ukatu egin du epaiek hizkuntz politikan eragin izana

Iosu Alberdi

Euskararen kontrako «erasoei» aurre egiteko, hizkuntzaren inguruko herri akordio bat proposatu dio EH Bilduk Eusko Jaurlaritzari

Sareren manifestazioa Santurtzin, gaur zortzi. ©Aritz Loiola / Foku

Beste sei preso Euskal Herriratuko dituzte

Jon O. Urain

Gainera, beste euskal preso bat lekualdatuko dute Iruñetik Arabako, Bizkaiko edo Gipuzkoako kartzelaren batera.

Lau kideak hil zituzten gunea, Pasai Donibanen. ©Andoni Canellada / Foku

Pasaiako sarraskiko poliziak identifikatzeko saio bat egingo dute

Xabier Martin

Komando Autonomoetako lau kide hil zituzten polizia operazio horretan, eta idenfikazio proba batera deitu du epaileak lekuko bakarra: Joseba Merino. Martxoaren 28an du ordua, Donostiako epaitegietan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.