Euskal presoak

Aske da David Pla euskal presoa, zigorra beteta

21:00ak pasa heldu da Ziburura (Lapurdi) Pla. Kontrol judizialpean egongo da Espainiak eskatutako euroagindu bat ebatzi arte. Mikel Albisuri, berriz, debekatu egin diote Frantzian sartzea.

David Pla —eskubitik hasita, bigarreba—, haren familiarekin, Ziburun
David Pla —eskubitik hasita, bigarreba—, haren familiarekin, Ziburun Berria

Arantxa Elizegi Egilegor -

2019ko apirilak 18

David Pla euskal presoa (Iruñea, 1975). Goizeko lehen orduan irten da Osnyko espetxetik (Frantzia), bost urteko kartzela zigorra beteta. Gaueko 21:00ak pasata heldu da Ziburura (Lapurdi), eta hango elkarte batean egin diote harrera. Familiarekin elkartu da bertan, eta agurra eta lore eskaintza egin diote.

Pla 2015eko irailean atxilotu zuten, Baigorrin (Nafarroa Beherea), Iratxe Sorzabalekin batera. ETAko zuzendaritzako kidetzat jota, bost urteko kartzela zigorra ezarri zioten hari, eta zazpikoa Sorzabali. Plak eta Sorzabalek epaiketan konponbiderako saioak nabarmendu zituzten, eta esan atxilotuak izan arte Frantziarekin eta Espainiarekin elkarrizketak abiatzen saiatu zirela.

Albisuri debekua Frantzian

Mikel Albisu euskal preso ohiari, berriz, ukatu egin diote Frantziako estatuan sartzeko aukera. Eskakizuna egina zuen bere bikotekide eta euskal preso Marixol Iparragirreri bisita egin ahal izateko, Reauko espetxean (Frantzia) baitago. Epaileak, ordea, ukatu egin du aukera hori. Hogei urteko espetxealdia egiten ari da Iparragirre, eta, Mediabask-ek jakinarazi duenez, irailean Espainiaratu dezakete.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
S: