Noiz sortua: 2019-05-02 07:16:21

POLIZIA

Arzuagak salaketa aurkeztu du Jusapol eta Jucil sindikatuen aurka

Apirilaren 4an Eusko Legebiltzarrean eginiko osoko bilkuran atentatua, irainak eta mehatxuak egitea leporatu die legebiltzarkideak elkarteei.

Julen Arzuaga eta Jone Goirizelaia, Gasteizko auzitegiaren atarian.
Julen Arzuaga eta Jone Goirizelaia, Gasteizko auzitegiaren atarian. / EH Bildu

Jon O. Urain -

2019ko maiatzak 2

1976 eta 1999 artean Poliziak eragindako biktimei aitortza emateko legea moldatzen duen arauari buruzko behin betiko bozketa egin zuten Eusko Legebiltzarreko apirilaren 4ko osoko bilkuran. Bertan, ikusleen artean izan ziren polizia elkarteetako ordezkariak, eta keinuka aritu zitzaizkien EH Bildukoei. Besteak beste, polizia elkarteetako kide batek keinu bat egin zien, eskuarekin: J hizkiaren forma, pistola batena ere iradokitzen duena. Arzuagak "erabateko arbuioa" agertu zien Espainiako segurtasun indarrei, eta "lobby nazkagarria" egitea egotzi zien segurtasun indarren biktimek aitortzarik jaso ez dezaten.

Gero, behin eztabaida amaituta eta legea onartuta, Jusapoleko bozeramaile batek indarkeria tresna politiko gisa erabiltzea egotzi zien Arzuagari eta, oro har, EH Bilduri, eta ETArekin lotu zituen.

(jarraitu irakurtzen, argazkiaren ondoren)


Polizia sindikatuen ordezkarietako bat, hatzarekin Arzuagari keinu egiten. / Jaizki Fontaneda, Foku

Gaur, Gasteizko auzitegian salaketa aurkeztu du Aruzagak  Jusapol eta Jucil sindikatuen aurka: “Delitu larri bat, alegia, indarkeria erabiltzea, egotzi zidan eta ETAko kide izatea ere leporatu zidan”, azaldu du Arzuagak, eta erantsi horrek “irain eta mehatxu larrien biktima izatea” eragin diola sare sozialetan.

Espainiako Poliziako SUP eta SPP sindikatuek auzitara jo zuten apirilaren 8an Arzuagaren aurka, apirilaren 4ko saioan Arzuagak Jusapol polizien elkartearen aurka esandakoak salatzeko. SPPk Estatuko fiskaltzaren aurrean aurkeztu zuen salaketa, "segurtasun indarrak iraintzea eta gutxiestea" egotzita. SUPek, berriz, kontziliazio saio bat erregistratu zuen Gasteizko epaitegi batean, eta 3.000 euroko kalte-ordaina eskatu zion Arzuagari, "kalte moralengatik".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 27an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, hemeretzi positibo atzeman dituzte PCR probekin, eta bederatzi gaixo ospitaleratu dituzte. Euskal Herrian 28.812 gaixok eman dute positibo guztira, koronabirusa atzemateko probaren bat eginda. Horietatik 2.034 hil dira. Grafikoak, albiste barruan.

Lanbideren Gasteizko bulego bat, itxita ©Luis Jauregialtzo, Foku

Munduko bortz gaztetatik batek lana galdu du pandemia hasi zenetik

Berria

Lanaren Nazioarteko Erakundearen arabera, koronabirusak eragindako krisiak bereziki eragiten die gazteei. Lana duten gazteen %23ri lan orduak murriztuko dizkiete. Erakundearen arabera, emakumeak ari dira bereziki pairatzen krisiaren ondorioak. 

Ursula von der Leyen, artxiboko irudian, ©OLIVIER HOSLET / efe

Bruselak 750.000 milioi euroko funtsa proposatu du

Iker Aranburu

500.000 milioi laguntza zuzenak izango lirateke, eta beste 250.000 milioi, maileguak. Zerga berriekin ordaindu nahi du hartuko duen zorra. Harrera beroa izan du hegoaldean, baina hotza iparraldean.

Manuel Castells Espainiako Unibertsitate ministroa, joan den astean, Diputatuen Kongresuan. ©Kiko Huesca / Efe

Unibertsitate tasak jaitsi beharko dituzte Hego Euskal Herriko administrazioek

Andoni Imaz

Castells Espainiako Unibertsitate ministroak adierazi du unibertsitateek finantziazio gehiago behar dutela, baina hori ezin dela egon «baliabide gutxien dituzten familien eta ikasleen bizkar».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna