Reala, Espainiako Kopako finalean

Nerea Eizagirre: "Borrokan eta ilusioan hobeak gara"

Granadan jokatuko da partida, eta han izango da BERRIA ere. Ainara Arratibel kazetaria eta Lara Madinabeitia bideogilea egun osoz izango dira jokalari eta zale txuri-urdinekin. Txuri-urdinak iritsi dira dagoeneko Granadara.

Arantxa Elizegi Egilegor -

2019ko maiatzak 10

Eguerdian abiatu dira Realeko jokalariak Granada aldera. Han jokatuko dute bihar iluntzean Espainiako Kopako finala, Atletico Madrilen aurka. Partida bera 20:30ean hasiko da, baina kalean goizean goizetik nabarituko da zaleen presentzia. Gaur arratsaldean egin dute agerraldia Marta Cardona eta Nerea Eizagirre Realeko jokalariek, Gonzalo Arkonada entrenatzailearekin batera. Arkonadak nabarmendu du lasai ikusi dituela futbolariak, "ondo lehiatzeko tentsioarekin eta ideiak argi".

Eizagirrek esan duenez, "egindako lanaren saria" da Espainiako Kopako finala jokatu ahal izatea, eta lasai daudela azaldu du. Pozik agertu da taldeak urte osoan egindako lanarekin, eta adierazi du "ziur" dagoela, irabazi egingo dutela: "Borrokan eta ilusioan hobeak gara". Bide beretik mintzatu da Cardona ere, eta berretsi du garaile ikusten dutela bere burua, partida zaila izango dela aitortu arren.

Goizean, bidaia baino lehen, azken entrenamendua egin dute jokalariek Zubietan. Hantxe izan dira jarraitzaile ugari ere txuri-urdinak animatzen. Taldeak jakinarazi duenez, Granadara joan ezinik geratzen direnentzat Fan Zone gune bat jarriko dute Donostiako Trinitate plazan.

Ilusioa. Hori da jokalariek behin eta berriz errepikatzen duten hitza. Izan ere, lehen aldia da emakumezkoen taldea Espainiako Kopako finalera heltzen dela, eta bidea ez da erraza izan. Lan asko egin behar izan dute norgehiagoka horretarako sailkatzeko. Hiru talde utzi ditu bidean finalera iristeko: Valentzia, final-zortzirenetan; Rayo Vallecano, final-laurdenetan; eta Sevilla, finalerdietan. Azken oztopoa gainditu eta kopa eskuratzea da orain helburua.

Partida ez da erraza izango. Hori badakite txuri-urdinek. Atletico Madril da irabazteko faboritoa, baina ate guztiak ez daude itxita. Gonzalo Arkonada entrenatzaileak argi du lasaitasuna oinarrizkoa dela, baina baita ausart jokatzea ere. "Partida batean edozer gerta daiteke, ñabardura eta gertaera txiki askok baldintzatu dezakete finala. Gu saiatuko gara ondo lehiatzen, eta gauzak oso zail jartzen".

Kontakizun berezia

Taldea finalerdietarako sailkatu zenetik kasu berezia egin dio Realari egunkari honek, eta berdin egingo du bihar ere. Jokalariekin eta zaleekin batera ibiliko dira egun osoan Ainara Arratibel kazetaria eta Lara Madinabeitia bideogilea. Webgunean, berriz, zuzeneko emankizuna egingo da arratsaldean.

Bestalde, Indarkeriaren Aurkako Espainiako Batzordeak arrisku handiko neurketa izendatu du biharkoa. Lagun kopuru handiak biltzen diren partidetan hartu ohi du erabaki hori. Baina horrez gain, Frente Atletico ultra taldeak norgehiagokara agertzeko asmoa adierazi du.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Bi erizain, Galdakaoko ospitalean (Bizkaia) maiatzaren 6an, 55 egun gaixorik zeramatzan gizon bat sendatu zela ospatzen. ©ANDONI LUBAKI / FOKU

Koronabirusaren lehen kolpea Euskal Herrian: 2.152 hildako lau hilabetean

Mikel P. Ansa

Martxoaren 1etik ekainaren 30era, lau hilabete. Neguaren azken hondarra, eta udaberri guztia. Koronabirusaren pandemiak hankaz gora jarri du Euskal Herria, eta bizimoduak astindu ditu. Pandemiaren lehen olatuaren balantzea egin du BERRIAk, hamazazpi grafiko eta hamazazpi galdera hauekin.

Beste 11 positibo zenbatu dituzte Ordiziako kasuen oldarraldiari lotuta

Beste 11 positibo zenbatu dituzte Ordiziako kasuen oldarraldiari lotuta

Arantxa Iraola

Denera 69 kasu daude lotuta positibo multzo horrekin; Tuterakoekin, berriz, 31

Gasteizko Mendizorrotza igerilekuak pandemia garaiko udarako prestatzen. Irudian, langile bat belardian markak egiten. ©Raul Bogajo / Foku

Positibo bat Gasteizko gimnasio batean, eta beste bat Baionako erietxe batean

Edu Lartzanguren

Baionako Belharra erietxean kasu bat topatu dute, eta ikerketa zabal bat jarri dute martxan jatorria argitzeko. Zirujau bat kanpoan kutsatu dela uste dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna