'Altsasu auzia'

Gorenaren epaiaren "bidegabekeria" salatu dute Altsasun

Espainiako Auzitegi Gorenak Altsasuko gazte auzipetuei ezarri dizkien zigorrak "proportziorik gabekoak" direla salatu dute manifestariek.

Altsasuko gazte auzipetun gurasoak, Altsasun gaur egin duten manifestazioaren buruan.
Altsasuko gazte auzipetun gurasoak, Altsasun gaur egin duten manifestazioaren buruan. Altsasu Gurasoak @Altsasugurasoak

Berria -

2019ko urriak 9

Altsasuko plazan elkarretaratzera deitu dute Altsasu auzian akusatutako zortzi gazteen gurasoek, eta herritarrek ez dute hutsik egin. Bizilagunek herriko plaza bete dute gazteei eta beren senideei babesa emateko eta Gorenaren epaia gaitzesteko. Elkarretaratzea manifestazio bihurtu da ondoren. Altsasukoak aske eta Hau ez da justizia leloak oihukatu dituzte herriko kaleetan barrena.

Auzitegi Nazionalak Altsasuko gazteei ezarri zizkien zigorrak murriztu ditu gaur Auzitegi Gorenak, baina, hala ere, bederatzi urte eta erdira arteko zigorrak ezarri dizkie. Auzitegiak ez du ikusi ideologiagatiko astungarriak ezartzeko arrazoirik, ezta gehiegikeria zantzurik ikusi ere agintearen aurkako erasoaren kasuan.

Epaia salatu dute gazteen gurasoek haren berri izan eta gutxira. Bel Pozueta Adur Ramirez de Alda auzipetuaren amak adierazi du "astakeria judizial ikaragarria" dela. Amaia Izko defentsa abokatuaren esanetan, auzitegiaren erabakia "oso larria" da, zigorrak "proportziorik gabea" izaten jarraitzen duelako. Hori dela eta, Auzitegi Konstituzionalera eta Estrasburgoko auzitegira jotzeko aukera aztertuko dute. Hainbat alderdi politikok ere Gorenaren epaia salatu dute. Nafarroako Gobernuak "errespetua" adierazi dio Gorenaren erabakiari.

Altsasuko gurasoek agerraldia egingo dute bihar eguerdian, Iruñean, epaia sakonago baloratzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna