Albistea entzun

Espainiako bozak

Aske utzi dituzte Voxen aurkako protestan atxilotutako hiru lagunak

Atzo arratsaldean, Voxek Bilboko Atxuri auzoan jarritako hauteskunde kanpaina egiteko gunearen inguruan izan ziren protestak. Hiru atxilotuak 00:30 aldera utzi dituzte aske, eta beste zortzi inputatu ere badaude.

HAMAIKA TELEBISTA / @HAMAIKATB
HAMAIKA TELEBISTA @HAMAIKATB Tamaina handiagoan ikusi

Irati Urdalleta Lete -

2019ko azaroak 7

Aske geratu dira atzo arratsaldean Voxen aurka protestatzeagatik atxilotutako hiru lagunak. Santiago Abascal buru duen alderdik hauteskunde kanpaina egiteko gune bat jarri zuen Atxurin, eta hainbat herritarrek protesta egin zuten. Hiru pertsona atxilotu zituzten,agintearekiko desobedientzia eta Hauteskunde Legea urratzea egotzita, eta 00:30 aldera utzi dituzte aske. Beste zortzi lagun ere inputatuta daude, hauteskunde askatasunaren aurkako delituarengatik.

Atzo jakinarazi zuten beste sei lagun deklaratzera deitu zituela Fiskaltzak, apirilaren 13an Errenterian (Gipuzkoa) Ciudadanosek emandako mitinean protesta egiteagatik. Ciudadanosek salaketa jarri zuen Espainiako Estatuko Fiskaltzan, eta ezker abertzalea eta Ernai jo zituen gertatutakoaren erantzuletzat. Protesten harira, Gipuzkoako Fiskaltzak ikerketa bat abiatu zuen maiatzean, mehatxu, irain edo gorroto deliturik egin al zuten argitzeko, eta, gutxienez, bederatzi lagun ikertu dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©ANDONI CANELLADA / FOKU

«Egunetik egunera joan behar dugu indar harremana hobetzen»

Jon O. Urain

Hirugarren kongresu prozesua amaitu du Sortuk, estrategia eta zuzendaritza gaurkotuta. Rodriguezen hitzetan, alderdiaren helburua izango da «duela 60 urte gertatu zenaren moduko herri bulkada bat sustatzea».
 ©JON URBE / @FOKU

Altsasu: tsunamiari aurre egin dion horma

Joxerra Senar

Asteon, Europako Giza Eskubideen Auzitegiak ez du tramiterako onartu Altsasuko zortzi gazteen defentsaren eskaera, eta auzia itxitzat jo du. Amaia Izko abokatuak azaldu du «zail» egin zaiela Estrasburgon bost urteotako bidegabekeria ikusaraztea.
 ©SORTU

Arkaitz Rodriguezen zuzendaritza taldeak Sortuko militanteen %89ren babesa jaso du

Uxue Rey Gorraiz

Hirugarren Kongresuko itxiera ekitaldia egin du Sortuk Bilboko Bizkaia pilotalekuan. Zehaztu dituzte Nazio Kontseiluaren kideak: David Pla norabidetze estrategikorako gunearen arduraduna izanen da aurrerantzean, besteak beste.

Amarik gabeko urtebetetze eguna

Maddi Ane Txoperena Iribarren

Maria Lizarraga eta Iñigo Gutierrez euskal presoen alaba Izadik bihar beteko ditu 3 urte. Kartzelatik atera beharko du orduan, Espainiako espetxe legediak hala aginduta, eta amarengandik bereizi. Gutierrez atzo atera zen espetxetik, hirugarren graduan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.