Albistea entzun

Enpresak

Euskaltelek Virgin marka erabiliko du Espainian zabaltzeko

Hitzarmena sinatu du Ingalaterrako telekomunikazio enpresarekin. Euskal Herrian, Euskaltel markari eutsiko dio.

Josh Baylliss (Virgin) eta Jose Miguel Garcia (Euskaltel)
Josh Baylliss (Virgin) eta Jose Miguel Garcia (Euskaltel) Euskaltel Tamaina handiagoan ikusi

Iker Aranburu -

2020ko otsailak 12

Euskaltelek gaur jakinarazi du marka lizentziaren hitzarmena sinatu duela Virgin taldearekin, Espainian Virgin marka erabiltzeko. Euskalteleko akziodun nagusia, Zegona Erresuma Batuko funtsa, Virgineko akziodun ere bada.

«Hitzarmena sinatzea mugarri garrantzitsua da Euskaltelentzat. 2019ko abenduan sinatu ziren handizkako sarbide akordioen hobekuntzari esker, Euskaltelek estatuan hedatzeko planerako behar dituen elementu guztiak ditu orain. Plan horren bidez, gaur egun oraindik ez dagoen Espainiako merkatuaren % 85era iritsiko da Euskaltel, eta eskualde horietako bezeroei kalitate handiko eta balio handiko Quadruple Play zerbitzua eskainiko die, Euskaltelen gaitasun aurreratuak aprobetxatuz», azaldu du euskal konpainiak, agiri baten bidez.

Haren esanetan, «munduko marka ezagun eta errespetatuenetako bat da Virgin, eta Espainian %75etik gorako marka aintzatespena du». Virgin taldea Richard Bransonek sortu zuen,1970ean, eta sektore askotan aritzen da, hala nola telekomunikazioetan, bidaietan, garraioan, finantza zerbitzuetan, aisialdian, entretenimenduan eta osasunean. Gaur egun, taldeak 60 negozio baino gehiago ditu Virgin markarekin, 35 herrialdetan. Virginek telekomunikazioetako hamabost milioi bezero baino gehiago ditu mundu osoan; besteak beste, Erresuma Batuan, Estatu Batuetan, Frantzian, Australian, Mexikon, Kolonbian eta Txilen.

Euskaltelek lortzen dituen bezeroen arabera ordainduko dio Virgini: gero eta gehiago lortu, orduan eta gehiago pagatuko du.

Virgin marka ez ezik, Euskaltel taldeak beste hiru marka ere erabiliko ditu: Euskaltel Hego Euskal Herrian eta Errioxan, Telecable Asturiasen, eta R Galizian. Euskaltelek ez du argitu zer gertatuko den Katalunian, han RACC aseguru etxearekin akordio bat egin baitzuen 2018an, RACCtel izenarekin aritzeko. Martxoaren 10ean emango ditu xehetasun gehiago, orduan jakinaraziko baitu bere negozio plana.

Egoitza, Bizkaian

Espainian zabaltzea «premiazkoa eta derrigorrezkoa» dela esan izan du Jose Miguel Garcia Euskalteleko kontseilari ordezkariak. Edonola ere, aurrerantzean ere Zamudioko parke teknologikoan egongo da egoitza, eta ez da Madrilera lekualdatuko, Garciak ziurtatu duenez.

Euskaltelek Orangeren zuntz optikoko sarea eta telefonia mugikorrarena erabiliko ditu bere hedapenean, abenduan horretarako akordioa egin baitzuen France Telecom taldearen enpresa horrekin.

Espainia osora zabaltzeko estrategiaren atzetik Euskaltel taldeko zuzendaritza berria dago. Ekainean, Zegona Erresuma Batuko funtsak konpainiaren kontrola eskuratu zuen, eta hark jarri zuen gidaritzan  Garcia.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nord Stream 1 gasbidea, Alemanian sartzen den lekuan. ©STEFAN SAUER / EFE

Berlinek eta Moskuk «sabotajetzat» jo dituzte Nord Streameko isuriak

JokinSagarzazu

Gertakariak ez du eraginik izango Europarako gas horniduran, gaur egun bi gasbideak ez baitaude martxan. Danimarkako Gobernuak energia alorreko larrialdia ezarri du herrialdean
Mahats bilketa betean ari dira egunotan Bastidan. ©JAIZKI FONTANEDA / FOKU

Lehortearen uztak bilketa astuna dakar

X. Martin

Eguraldi lehorrak %20 inguru apalduko du 2022ko uzta Arabako Errioxan. Mahats aleak txikiak dira, eta azidotasun apala dute. Litekeena da horrek urteko ardoen kalitatean eragitea, baina egurrerako gordetzen den zukua ez du zertan hondatu. Bastidako kooperatiban buru-belarri dabiltza jadanik mahats bilketan.
Arabako Mahastiak ez da aurten hasiko, «baimena ez delako garaiz iritsi»

Arabako Mahastiak ez da aurten hasiko, «baimena ez delako garaiz iritsi»

Xabier Martin

Mahats bilketa betean dira jadanik Arabako Errioxan, eta sor-marka berria abiarazteko prest daudenek onartu dute beren ardoak Errioxako izenean jarraituko duela aurten
Hauteskunde sindikaletarako ELAren kanpainaren aurkezpena. Erdian, Mitxel Lakuntza idazkari nagusia. ©BERRIA

Sindikatuek ordezkarien erdiak izango dituzte jokoan ekainera bitarte

Imanol Magro Eizmendi

Hurrengo bederatzi hilabeteetan hauteskunde sindikalak abiatuko dituzte Hego Euskal Herriko lantoki handietako gehienetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...