Noiz sortua: 2020-04-10 14:47:47

Positibo kopurua %4,8 igo da Nafarroan

Hego Euskal Herrian egonkor mantentzen da. Nafarroako Gobernuak osasun langileen artean egindako proba kopuruari egotzi dio igoera. Plantillaren 3,6ri diagnostikatu diote koronabirusa.

Iruñeko Erruki Etxea zahar etxea. /
Iruñeko Erruki Etxea zahar etxea. / Iñigo Uriz Foku Tamaina handiagoan ikusi

Jon Ordoñez Garmendia -

2020ko apirilak 10

Koronabirusak beste 44 hildako utzi ditu Euskal Herrian. Ostiralean emaniko datuen arabera, Araban beste zortzi pertsona hil dira, Bizkaian 28, Gipuzkoan lau eta Nafarroan beste lau. Beherakada handia da beraz atzokoa, aurreko egunekoarekin alderatuta, izan ere, asteazkena hildako gehien izan direnen artean bigarren eguna izan zen krisialdia hasi zenetik. Horiekin, 949 dira Euskal Herrian gaitzak hildakoak.

Diagnostikatutako kutsatu berri kopuruak, ordea, nahiko finko jarraitzen du azken egunetan, 550 eta 375 artean. Atzo 470 positibo berri atzeman zituzten, eta horiekin 13.876 dira jaso diren positiboak. Hala ere, herrialdekako datuak hartuta nabarmentzekoa da Nafarroan izan den positiboen gorakada. Atzo 108 positibo atzeman zituzten, eta gaur, 173. %4,8ko gorakada da. Nafarroako Gobernuak azaldu duenez, osasun langileen artean "ahalegin berezia" egiten ari da kasu berriak atzemateko eta hori izan daiteke gorakada horren arrazoia. Gaineratu duenez, asteazkenean 200 proba egin zituzten, atzo 78 eta gaur 100 egitekoak dira. Osasungintzako 548 langilek eman dute positibo, plantillaren %3,6.

Edonola, egonkor mantentzen da ospitaleratutakoen kopurua Nafarroan: 476 dira. Atzo 64 gaixo ospitaleratu zituzten, eta 59 joan ziren etxera. Nafarroan ospitaletan dauden 476 horietatik 80 daude zaintza intentsiboetako uniateetan. Guztira, Nafarroan une honetan dauden 2.970 kasuetatik %80 etxean dago

Eusko Jaurlaritza baikor da datozen egunetako bilakaerari begira. "Kutsatuen tasa jaisten ari da, baina ezin gara lasaitu", esan du Mikel Sanchez Eusko Jaurlaritzako Osasun Planifikazio zuzendariak. Ospitaleratutakoen kopurua jaisten ari da Hego Euskal Herrian, eta martxoaren 31n baino ia 1.000 ospitaleratu gutxiago daude. 1.892 daude orain.

Nafarroako positibo gorakada proportzionalki handiena bada ere, kopuru osoetan Bizkaian izan dira kutsatu gehiago azken orduetan. 210 positibo gehiago atzeman dituzte, eta horiekin, 5.392 dira denera. Araban positibo berriak 40 dira eta Gipuzkoan, 47. Ikusi azken datuak eguneratuta, BERRIAren grafikoen orrialde berezian.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna