Politika

Urkulluri «nahasmendua» eragin dio PSOE, UP eta EH Bilduren arteko akordioak

«Maila politikoan elkarrizketarako konfiantza hausteko arriskua» dakarrela eta, kezkatuta agertu da Eusko Jaurlaritzako lehendakaria. Zahar etxeak «ondo kudeatuta» daudela esan daitekeela iritzi dio Urkulluk.

Nekane Murga eta Iñigo Urkullu, Eusko Legebiltzarrera iristen, hilaren hasieran. /
Nekane Murga eta Iñigo Urkullu, Eusko Legebiltzarrera iristen, hilaren hasieran. / Raul Bogajo/Foku Tamaina handiagoan ikusi

Berria -

2020ko maiatzak 24

«Nahasmendua» eragin dio Iñigo Urkullu lehendakariari aste honetan PSOEk, Unidas Podemosek eta EH Bilduk Madrilen Espainiako lan erreforma bertan behera uzteko egin duten akordioak. Asteazkenean sinatu zuten hiru alderdiek, koalizio abertzalea alarma egoeraren bozketan abstenitzearen truke, eta ondorengo erreakzioek garbi utzi dute EAJri eta Eusko Jaurlaritzari ez zaiela batere gustatu.

Andoni Ortuzar EAJko presidenteak aste honetan esan du Pedro Sanchezengan duten konfiantzari «argi gorria» piztu zaiola, eta Urkullu ere hala mintzatu da Vocento taldeko egunkariek gaur argitaratu duten elkarrizketan. «Nahasmendu erabatekoa eragin dit, eta kezka, maila politikoan elkarrizketarako konfiantza hausteko arriskua duelako». Urkulluri galdetutakoan ea horrek kolokan jarriko duen EAJk Madrilen Pedro Sanchezen gobernuari ematen dion babesa, lehendakariak erantzun du hori EAJk erantzun beharko duela. Urkulluk eta Maria Txibite Nafarroako lehendakariak gaur dute bilera Pedro Sanchezekin eta Espainiako autonomia erkidegoetako beste presidenteekin.

Eusko Jaurlaritzako lehendakariak dio EH Bilduren mugimenduak luzera begirako beste zerbait adierazten duela. «EH Bilduk aspalditik egin du apustu indar politiko batzuen alde, ez euskal estatu independente baten eremuan, baizik eta eremu zabalago batean. EH Bilduk ez du EAJ nahi ezertarako. Ezertarako ez».

Urkulluk dio EH Bildu estatu alderdi gisa ari dela aurkezten bere burua, «Espainiako estatu alderdi gisa». Horiek guztiak esan ondoren, ordea, garbi utzi du bere apustua uztailaren 12ko hauteskundeen ondoren PSErekin akordioa egitea dela: «Gure akordioa [EAJ-PSE] oso positiboa izan da, egonkortasuna eta konfiantza eskaini dielako herritarrei. Horixe behar da krisi garai batean».

Urkulluri galdetutakoan Gurutzetako Ospitalean egin zizkioten oihu eta txistuen inguruan, erantzun du errespetatzen dituela, baina gaineratu du medikuek zoriondu egin zutela egindako «lan onagatik». «Balio handiagoa ematen diot lanean gogor ari diren osasungintzako profesionalen konpromisoari, euren web kameratik hitzaldiak ematen jarduten direnei baino».

Zahar etxeen kudeaketaz galdetuta, Urkulluk adierazi du jarduera larriak egon direla beste autonomia erkidego batzuetan, «baina hemen, Euskadin» ondo kudeatuta daudela esan daitekeela. BERRIAk gaur argitaratu duen bezala, ordea, Hego Euskal Herrian koronabirusagatik hildakoen %40 zahar etxeetako egoiliarrak ziren; horrek agerian utzi ditu egoitzen sistemaren hainbat gabezia, eta galderak sortu ditu toki horietan adinduek jasotzen duten osasun artaren inguruan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

 ©BERRIA

«Transmisio komunitario bat daukazunean, ezin da telefono bidez kudeatu»

Jon Ordoñez Garmendia

Epidemia betean harrapatu dute hauteskundeek Ordizia, eta kezkatuta dago Ezenarro. Arriskuaz ohartarazi arren, neurri bereziak hartuta egingo dituzte bihar. Erakundeen babesa eta mahai tekniko bat sumatu ditu faltan.

Probak egiteko Ordizian jarritako postuak. ©Jon Urbe / FOKU

«Osasun publikoaren kontrako delitu bat» izango da gaixorik bozkatzea

Iosu Alberdi

Ordiziako koronabirus agerraldiarekin lotutako lau kasu berri atzeman dituzte. Denera, 31 dira Araba, Bizkai eta Gipuzkoan baieztatutako positibo berriak, eta herritar bat hil da koronabirusaren eraginez. 160 herritar inguruk izango dute debekatua bihar bozkatzea. Nafarroari dagokionez,Tuteran hiru kasu gehiago atzeman dituzte eta Iruñean zortzi positibo agertu dira.

Bi lagun, terraza batean eserita, Orion. ©JON URBE / FOKU

Nork agindu tabernetan

Aloña Beraza Peña Irati Urdalleta Lete

Ordiziako taberna batetik zabaldutako fokuak piztu ditu alarmak aste honetan. Su gehiago ere ari dira pizten, Tuteran, Gasteizen... Tabernariak eta kudeaketan dabiltzanak kezkatuta daude.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna