Enpresak

CAFek 58 milioiko lan kontratuak sinatu ditu Estonian eta Polonian

Solaris filialaren bidez, gas naturaleko 100 autobus elektriko egingo ditu Tallinnerako, 28 milioi euroren truke, eta beste 50 Poloniako lau hiritarako, 30 milioi eurorengatik.

Solaris Urbino modeloko autobus bat
Solaris Urbino modeloko autobus bat CAF Tamaina handiagoan ikusi

Jokin Sagarzazu -

2020ko urriak 15 13:46

Tallinnen iaz egin zuen kontratua luzatzea lortu du CAFek, Solaris filialaren bidez. 2019aren amaieratik orain arte, gas naturaleko 80 autobus entregatu dizkio Estoniako hiriburuko Linnatranspordi as (TLT) enpresari, eta beste 20 unitate amaituko ditu urtea amaitu baino lehen. Guztira, beraz, 200 autobus salduko dizkio bi urtean.

Hamalau herrialdetan daude gas natural konprimatuarekin funtzionatzen duten Solaris Urbino modeloko ibilgailuak: Europan halako 1.300 autobus baino gehiago saldu ditu: besteak beste, Polonian, Alemanian, Norvegian, Suedian, Txekiar Errepublikan, Herbehereetan, Espainian, Frantzian eta Italian.

Estoniako eskaeraz gain, Poloniako Sosnowiec, Radom, Torun eta Szczecin hiriek ere beren autobus flotak handitzea erabaki dute, Solarisen modelo elektrikoekin: guztira 50 ibilgailu egingo ditu CAFek, eta kontratu horien bolumena 30 milioi eurotik gorakoa izango da. Horiek ere 2021ean entregatuko ditu.

Autobusen aldeko apustua

CAFek trenak ekoizten ditu nagusiki, baina, azken urteetan sektorean daukan konpetentzia izugarria dela-eta, negozioa dibertsifikatu behar izan du. Azken urteetan apustu handia egin du autobusen produkzioan, elektrikoetan bereziki, eta egun bere salmenten %25 da —%8 zen 2018an—: kontratuak ditu 70 hiritan. Urratsik handiena 2018an egin zuen, Poloniako Solaris autobus enpresa handia erosi zuenean, 300 milioi euroren truke.

Beasaingo (Gipuzkoa) multinazionalak urte hasiera txarra izan du: 35 milioi galdu ditu lehen seihilekoan, COVID-19aren eraginengatik. Martxoan eta apirilean produkzioa gelditu behar izan zuen aste batzuez, eta hainbat herrialdetan dituen mantentze zerbitzuak eten, eta gerora ere esportazioak eta lan kontratu berriak ez dira lehengora itzuli. Itxaropenak jarrita zituen urtea amaitu baino lehen Renfek esleitu asmo duen aldirietako trenak berritzeko kontratu handian (2.726 milioi euroko eskaera), baina horrek ihes egingo dion susmoa dauka.

Horrez gain, Castejonen (Nafarroa) duen lantegia (Trenasa) ixteko erabakia hartu du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Jabyer Fernandez enpresaburua, Iurbenor taldeko jabea, artxiboko irudian. ©Miguel Toña / Efe

Zordun handi gutxiago daude, baina zor handiagoa dute

Iker Aranburu

Eraikuntzan huts egindako proiektuen bultzatzaileak dira zordun handienak, Lagilur (80 milioi) eta Iurbenor (52 milioi) buru dituztela.

Eserleku batzuk pilatuta, Iruñeko udaletxearen parean. ©Jagoba Manterola / Foku

Nafarroako ekonomia %15,7 handitu da udan, baina krisian jarraitzen du

Jokin Sagarzazu

BPGaren urte arteko jaitsiera -%6,1era murriztu da, jarduera ekonomikoak izandako erreboteari esker. Industriak eta kontsumoak gidatu dute susperraldia. Aurreikuspenei eusten die gobernuak

Mitxel Lakuntza ELAko idazkari nagusia, atzo, Bilbon. ©MARISOL RAMIREZ/ FOKU

Murrizketak ikusi ditu ELAk pentsio sistema aldatzeko proposamenetan

Imanol Magro Eizmendi

Mitxel Lakuntza «kezkatuta» agertu da edukiengatik, eta Espainiako elkarrizketa sozialerako mahaiak egin dezakeen galbahearengatik

<b>Langileen protesta, atzo.</b> ©J. F. / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna