Albistea entzun

5.000 biztanletik gorako zazpi herri itxiko lituzkete gaurko datuekin

Eusko Jaurlaritzak gaur emandako datuen arabera, ez litzateke lurralde historikorik itxiko. Bai, ordea, 400eko tasa gainditzen duten sei herri horiek. Labik gaur erabakiko du noiz itxi. Milagron gaur sartu da indarrean itxiera perimetrala.

Langile bat Beasaingo plaza garbitzen. /
Langile bat Beasaingo plaza garbitzen. / Juan Carlos Ruiz/Foku Tamaina handiagoan ikusi

Jon Ordoñez Garmendia -

2021eko martxoak 26 17:47

Gaur arratsaldean egin du bilera Euskadiko Plan Zibilaren Aholku Batzordeak (Labi), eta neurri murriztaile gehiago ezarri ditu datozen asteetarako. 100.000 biztanleko 400eko intzidentzia tasa gainditzen duten herri eta lurraldeetan itxiera perimetrala ezarriko dute. Eusko Jaurlaritzak bihar esango du zer herriri eragingo dien neurri horrek, eta astelehenean sartuko da indarrean. Osasun Sailak gaur eman dituen datuen arabera, Arabak, Bizkaiak eta Gipuzkoak ez dute muga hori gainditzen, nahiz eta Araba 300dik gora dagoen. Arabak 322,83ko intzidentzia tasa du; Bizkaiak, 243,59koa, eta Gipuzkoak, 229,44koa.

Oharra: martxoaren 26ko datuekin, horrela legoke eremu gorrien mapa.

Ez da hori gertatzen, ordea, herriekin. Atzo aurreratu zuten informazioaren arabera, soilik 5.000 biztanletik gora dituzten herrietan zorroztuko dituzte neurriak 400eko intzidentzia tasa gainditzen denean. Iñigo Urkullu Jaurlaritzako lehendakariak ez du horri buruzko azalpenik eman gaurko agerraldian. Gaur emandako datuen arabera, 5.000 biztanle baino gehiagoko herri hauetan gertatuko litzateke hori.

Bizkaian: Elorrio (751,88), Ermua (699,17), Muskiz (441,24) eta Ondarroa (548,62).

Gipuzkoan: Beasain (813,07), Lazkao (1154,12) eta Ordizia (883,81).

Araban ez dago 5.000 biztanletik gora duen herririk 400dik gorako tasarekin. Araban gertatzen den bezala, Gasteiz ere ez da heltzen 400eko tasara, baina ez dabil urrun: gaur emandako datuetan 341eko intzidentzia tasa du Arabako hiriburuak. Hiriburuen artean, Bilbo da tasarik handiena duen hurrengoa: 326,43. Donostiak 160,64ko tasa dauka.

Nafarroako Gobernuak gaur Milagron ezarri du itxiera perimetrala, azken egunetako intzidentzia tasa dela eta. Hala erabaki zuen asteazkenean. Asteazkenaren aurreko hamalau egunetan, 100.000 biztanleko 1.874ko positibo tasa izan zuen herriak. Udalarekin adostuta hartu du neurri hori Nafarroako Gobernuak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Herritar bat txertoa jartzen, Baionako txertaketa gunean. ©Guillaume Fauveau

Hego Euskal Herriko herritarrak Ipar Euskal Herrian txertatzeko irizpideak zehaztu dituzte

Berria

Iparraldean bizi behar da bertan txertoa hartzeko. Halere, lehen dosia Iparraldean hartu duten Hego Euskal Herritarrek bigarren dosia hartzen ahalko dute leku berean.

Euskarazko hezkuntzaren aldeko elkarretaratzea Nafarroako Parlamentuaren aurrean ©Idoia Zabaleta / FOKU

Euskaraz ikasi nahi dutela aldarrikatzeko, dozenaka lagun bildu dira Nafarroako Parlamentuaren aurrean

Olaia L. Garaialde

Uztailaren 2an Baluarte plazatik abiatuko den manifestazioan parte hartzeko deia egin dute LAB, Steilas eta ELA sindikatuek.

Heriotza duinaren lorratzetan

«Eskubideei buruz ari gara eutanasiaren gaiaz mintzo garenean»

Berria

Eutanasiari buruzko ikus-entzunezko berezi bat egin du BERRIAk: 'Heriotza duinaren lorratzetan'. Eutanasiari berari eta legeari buruz hitz egiten du, hiru elkarrizketaturen ahotik.

Zarauzko hondartza olatu handiekin. ©Andoni Canellada/ FOKU

Bizkaiko eta Gipuzkoako kostaldea itsas mailaren igoerara egokitu nahi dute

Iñaki Agirre Perez

Klima aldaketak Hegoaldeko itsasertzean izan ditzakeen ondorioei aurre egiteko plan bat garatzen ari da Jaurlaritza, 2100erako itsas maila 80 zentimetro igo daitekeela aurreikusita.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.