Albistea entzun

Energia krisia

Alemania zentral nuklearren erabilera luzatzea aztertzen ari da

Errusiako gas hornidura arazoei aurre egiteko hartuko luke erabakia. Egun hiru planta ditu martxan, eta urte amaieran ixteko asmoa zuen.

Scholz kantzilerra, Nord Stream 1en turbinaren aurrean, asteazken honetan
Scholz kantzilerra, Nord Stream 1en turbinaren aurrean, asteazken honetan S. STEINBACH / Efe

Jokin Sagarzazu -

2022ko abuztuak 3

«Zentzua izan dezake». Hitz horiekin mintzatu da Olaf Scholz Alemaniako kantzilerra, Errusiatik datorren gasaren murrizketaren ondorioz herrialdean duten energi krisia konpontzeko zentral nuklearren erabilera luzatzeko aukerari buruz. Urte honen amaieran azken hiru plantak ixteko asmoa zuen Alemaniak, baina baliteke atzeratzea.

Erabakiak kantziler sozialdemokrataren koalizio gobernuko kideak zatitzen ditu. Berdeek baztertzen dute aukera hori; liberalak, aldiz, alde daude, eta, gainera, jada deskonektatuta dauden baina teknikoki berriro funtzionatzeko gai diren beste zentral batzuk berriro martxan jartzea proposatu dute. Scholzek esan duenez, erabaki bat hartu aurretik ebaluazio zehatz bat egingo dute herrialdeak dituen gas erreserbei buruz eta asteon egiten ari den argindar sistemaren «erresistentzia probaren» ondoren.

Errusia da herrialdearen gas hornitzaile nagusia, eta gasa erabiltzen duten zentral termikoetan ekoizten du argindar gehiena, azken urteetan zentral nuklear eta ikatzezko zentral termiko gehienak itxi ondoren. Uztailean, Errusiako Gazpromek gas hornidura erabat eten zion hamar egunez, eta berriro martxan jarri zuenean, edukieraren %20ra murriztuta egin zuen, Nord Stream 1 gasbiderako turbina bat falta zuela argudiatuz. Argudio horri eusten dio Moskuk, baina asteazken honetan Scholzek agerraldia egin du turbinaren aurrean, Kanadatik Alemaniara eraman berri dutena.

Ikatza ere bai

Egoera hori gorabehera, Alemaniak bere gas biltegien maila %64ren gainetik mantentzea lortu zuen, eta, gasbidea berriz martxan jarri ondoren, %68raino igo du. Gobernuaren helburua da irailaren hasieran %75era eta azaroan %95era iristea, neguan gas hornidurak bermatzeko.

Dena den, elektrizitatearen ekoizpenerako gasa erabilera murrizteko, funtzionamendutik kanpo zegoen ikatzezko zentral termiko bat aktibatu du azken egunetan, eta gehiagorekin gauza bera egiteko erabakia hartua du. Orain zentral nuklearrekin gauza bera egitea planteatzen ari da.

Frantziak ere nuklearren alde egin du, baina arazoak ditu zentral batzuekin, mantentze lanengatik, eta horietako batzuk deskonektatu behar izan ditu azken asteetan. Mantentze lanen kostu handiak dira, hain justu, azken urteetan Europako zentral nuklear askoren itxieraren atzean dagoen arrazoi nagusia, segurtasun arriskuekin batera. Scholzek Frantziaren egoera ekarri du gogora eta bereak aktibatuta inguruko herrialdeak lagun ditzakeela azpimarratu du. «Ekarpen garrantzitsua egin diezaiokegu Europaren elkartasunari».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrantzale batzuk Getariako portuan, hegaluzea deskargatzen. ©GORKA RUBIO / FOKU

«Normaltasunera» itzuli da hegaluzearen arrantza sasoia

Jokin Sagarzazu

Aurtengo kuotaren %53 arrantzatu dute; iaz, abuztu hasieran amaitu zuten osorik. Garestiago saltzen ari dira Bizkaiko eta Gipuzkoako lonjetan, eta baliteke kanpainak irail amaierara arte irautea

EBZko presidente Christine Lagarde, artxioko irudi batean. ©RONALD WITTEK / EFE

Euriborrak %1 gainditu du abuztuko lehen erdian

Xabier Martin

Hipoteken interesak finkatzeko erabiltzen den erreferentzia nagusia gora eta gora doa

Gipuzkoako Ogasuneko arduradunak. ©GFA

Zerga bilketa %10 igo da uztailera arte Araba, Bizkai eta Gipuzkoan

Xabier Martin

Hiru lurralde horietako foru ogasunek 9.393,5 milioi euro metatu dituzte urteko lehen zazpi hilabeteetan

Errenterian (Gipuzkoa) egindako elkarretaratzea, joan den astean, bi langileren heriotza salatzeko. ©Monika del Valle / Foku

Garraiolari bat hil da Oiartzunen, lanean ari zela ondoezak jota

Berria

Aurten 50 behargin hil dira lan istripuen ondorioz, LAB sindikatuak berri eman duenez. Elkarretaratzera deitu dute biharko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...