55 urteko emakume bat atxilotu zuen joan den astean Ertzaintzak, bikotekidea hiltzea leporatuta; epaileak behin-behinean espetxeratzea erabaki du. Emakumea Basurtuko ospitalean dago, eta bertan eman zizkion adierazpenak epaileari, atzo. Espetxeratzea behin-behinekoa, komunikatua eta bermerik gabekoa izango da.
Joan den ostiralean, 67 urteko gizon bat hil zuten Bilbon, eta haren bikotekidea atxilotu zuten horregatik. Emakumeak aitortu zien ertzainei berak hil zuela gizona.
