Ertzaintza Bilboko Uribarri auzoko etxebizitza batera joan da gaur goizean, hilketa bat izan delako abisua jaso ostean. Poliziek gizon baten gorpua aurkitu dute han, eta indarkeria zantzuak zituen, Eusko Jaurlaritzaren Segurtasun Sailak adierazi duenez.
55 urteko emakume bat ere bazegoen etxean. Ertzainei aitortu die bera izan dela bikotekidea hil duena, eta, beraz, atxilotu egin dute, hilketa delitu bat egitea egotzita. Ertzaintzak ikerketa abiatu du zehazki zer gertatu den argitzeko.
