Venezuelako larrialdi zerbitzuek erreskate lanak egiten jarraitzen dute oraindik La Guairan (Venezuela), duela bi aste izandako lurrikaran desagertutako guztiak ez baitituzte topatu oraindik. Bada, gaurkoan euskal jatorria duen beste hildako baten berri eman dute: Koro Barriola donostiarra.
Ikusi gehiago
81 urte zituen Barriolak; bizi zen eraikina kolapsatu egin zen lurrikaren ondorioz, eta hondakinen artean harrapatuta geratu zen. Bi asteren ondoren aurkitu dute haren gorpua.
Azken kontaketen arabera, jada 3.680 baino gehiago dira Venezuelan lurrikarengatik hil direnak. Barriolaz gain, Alazne Solabarrieta ere hil zen: Jose Maria Solabarrieta bigarren errepublikaren garaian Ondarroako (Bizkaia) alkate izan zenaren biloba. Jon Sustatxa ingeniari bilbotarra ere lurrikaretan hil zen, 69 urte zituela.
